「兩包冰，一陣拎」我send完wtsapp之後，拎住盒temple，蘯氣迴腸，昂然闊步咁踏入譚仔。
「雞肉，重慶，特，辣。」
我故意係繁忙時間先入去，果然，如我所願分到最迫窄既大圓枱，幾對唔同既客人坐埋一枱。
係我眼中，呢個係屬於我既擂台。
我嗌出令人汗顏既特辣，故意唔嗌野飲。
望住隔離個毒撚碗清湯，我故意恥笑左一聲，佢即刻放低手上既筷子，急急腳埋單。
隨後坐低另一個四眼毒撚，佢用住毫無朝氣既聲線，同樣點左碗特辣。
而且唔加野飲。
我明白，從佢從容既眼神，我知道，呢場仗唔易打。
碗米線話咁快就到左，我毫不猶豫拎起筷子就開始食。
所謂輸人唔好輸陣，作為一個真男人，又點會比區區稍為滾燙既辣湯嚇窒？
我一邊鯨呑眼前既米線，一邊飲呢種燒胃既辣湯。
漸漸我個嘴已經感受唔到任何感覺，鼻水好似開左水制咁流，成個胃慢慢感受到火燒既感覺....
隨住時間既過去...
我好似見到....
一點白光係眼前浮現....
係....老母...
當年帶住我...
拎住我想要既玩具討價還價....
呢種...係屬於老母既潑辣
....重有...女朋友....
拎住我本存摺嘆氣既模樣....
呢種..係屬於佢既辛酸...
呢種酸辣既滋味...
.點滴在心頭..
「先生..你塊面青哂喎？」旁邊既四眼毒撚搖翻醒我，
我頓時驚醒...先發現...
自己早已淚流滿面。
「辣咋嘛，冇事。」我一邊忍住淚水，一邊回憶起已經失去左既人。
對於我黎講，特辣，
就好比賣火柴既小女孩一樣，
我得到既，遠遠唔只一碗米線咁簡單。
係眾目睽睽下，我毫不猶豫咁干哂整碗辣湯，
一滴水都冇飲過，
一個華麗轉身拎起張單到櫃臺，
不帶走一片雲彩。
「喂，衰仔，包冰買左啦，又敷屎眼呀？」
我關上老豆既錄音，笑而不語。
每一次既特辣，都係將我磨練成真男人既踏腳石。
每次經過胃痛，爆菊，火燒後欄既酸楚，我先可從中感受到，
人生並冇我想像既辛酸。
呢種，就係我對特辣既堅持。
