照舊係沉悶嘅數學堂，一頭白髮既陳Sir繼續廢噏。突然⋯⋯
掛住望風景嘅阿智大嗌：「嘩你睇吓，保良班友喺度互咀呀。」
「你係咪睇錯啊！」瞓着咗覺嘅我話。
「你睇下啦！嘩，人食人呀！」阿智話
「專心上堂！」
隻耳比屎塞住左嘅阿Sir終於都聽到我哋講嘢。
「唔係喎，阿sir ，唔對路喎！」同學們都話
陳sir一睇7號仔班人互相殘殺大嗌「喪屍呀！」
陳sir： 「一定要報警呀」
「報警？報警有咩用呀」我搖搖頭：「分分鐘啲警察死晒喇」
「咁點啊我哋可以點？等死呀唔通？」女班長焦急道：「而家唯一辦法就係話晒比全校人知先」
陳sir：「依家唯有係咁，你地一齊出去走廊帶啲人睇下嗰啲你地發現到嘅喪屍」
的確呢個係唯一嘅辦法—— 先集齊人然後人多好辦事
搵咗兩個同學出去大嗌「有喪屍啊！」吸引全校嘅目光，然後證實俾佢地睇有喪屍
係呢個時候，我哋都聽到其他嘅同學發現咗有喪屍
校長亦都開咪叫晒我哋落去操場集合
校長諗到個方法就係——報警
唔知係咪啲行政人員個腦俾屎忽坐住，竟然諗得出報警呢啲咁嘅方法，我地唯有照去。
去到之後......
「沙沙沙」電話令一邊傳來聲音，校長搖搖頭：「睇嚟我哋要搵出路，又或者留守呢度，但我好有信心我哋絕對唔會咁容易就死」
同學們都和應
只有我笑左一笑，話：「 咁我哋到底係要點？」，佢呢一句根本就係廢話
喺亂世之中無人夠膽出聲，可能我就係呢個異類
校長叫咗我去佢間房
「你好，O仔，或者你可能會好好奇點解我會咁講，有啲廢話有咩用？但係喺亂世之中大家都唔能夠肯定自己有冇可能生存多幾日，我只能夠穩定佢哋嘅心」校長：「你係聰明人，同聰明人講嘢嘅方法同對付蠢人嘅方法好唔同，呢一點你都會明，但請你相信我哋絕對會搵到解決問題嘅方法」
『廢話』O仔心諗，「不如試吓去附近既學校，可能會有幸存者」「好我搵啲Senior Form 嘅同學幫手去搵下同佢哋溝通嘅方法」
「冇嘢嘅我返出去先呀」我
『原來校長都係一個老謀深算嘅人，諗住喺呢個亂世中攞到學校嘅話事權』
一啲高form嘅人都開始搵方法過隔離學校
不過學校已經比喪屍包圍住，我地都係搵唔到方法過去其他地方
突然我哋醒起操場附近泊車嘅地方，個頂嘅鐵皮可以俾我地拆出嚟，在喺地下用幾條大繩吊上去6樓
我地將嗰個鐵皮頂搭蓋喺我哋學校同隔離保1嘅空隙度，我哋就可以行過去，不過要搵一個夠膽嘅人試一試
即係我
我哋行過去保1，見到一班徬徨無助嘅學生，同埋一班自立為王如有學生、老師同埋校長組成既勢力—The one
我哋打算同佢合作，爭取生存下去嘅機會
「不如我哋合作」我
「可以，不過資源四六分，我六你四，有冇問題。」
「好！」反正我地都冇諗過比佢地坐大，我不假思索就答應左，咁就可以利用埋佢地既人
————————————————————————
「哈！The One 呢個名咁弱智嘅！仲要我哋同佢六四分帳」阿宙「「最後都係要走出去呢到‧‧‧？」我走近到窗旁，凝望大廈外的「怪物」，我冇睬到阿宙，「怪物」，沒有比這個更簡單既稱呼。他們在白天，會漫無目的咁喺街上行，見到活人就會衝上去狼呑虎嗯
依家兩邊加埋罐頭得番幾十個‧‧‧水缸啲水又係未知數。」我去點算咗下現有物資
「一定要出去博一博！」阿賢同阿宙不約而同地講
我同班師兄召集左40人，加埋五個老師，一齊外出
校長無反對，佢而家要先去摸索下The One 個底
我地從VA room 攞左一人一把美工刀同將釘搭左入去既木板做武器
我地正式出發
我地行後門，先小試牛刀殺一隻喪屍
點知嗰個高大威猛既師兄竟然嚇到瀨尿
我地比一隻惡夢中出現既怪物嚇到潰不成軍
有三十幾個即刻呢返入去學校
我比一隻喪屍追殺，冇人救我，我9衝就衝左入去倔頭路。「啊⋯⋯」聽到聲，班友終於肯入黎，只係見到地上死去既喪屍，和我側面的背影及手上沾滿了血的美工刀。又黎一隻，我當下二話不說，就衝過去狂刀亂插隻喪屍個後腦
我成為左英雄，但係此地不宜久留，我地去左一間便利店同麵包店
入到去麵包店，我地攞晒啲麵包，用兩個大嘅垃圾膠袋裝住，一袋係唔襟擺，另一袋係襟擺。剩低落嚟嘅細膠袋相信之後都幾有用。
「哈哈！我哋都唔止一個禮拜後會唔會繼續生存落嚟就走來環保，反而平時安逸依家就浪費晒啲資源，人類真係奇怪」Jack
「係咁㗎啦，好出奇啊？」阿龍
我地避開班喪屍詭異既視線，小心地跑到鄰近一間便利店內，裡面似乎被人搶購一空過，不過都仲係有啲野被留低左沒執
好似有一啲高酒精濃度既酒、罐頭食品、火機同朱古力餅，不過冇水
我地又沿住毓華街行 「前面有間M記，轉左有間超市，我地可以入去睇下」Jack
「好！」我
——————————搜索———————————
「搵到啲咩？」我
「嗱，三枝1.5L既水同餅，你地呢？」阿宙
「一包米、十包鹽、朱古力」一個叫做明傑既師兄：「我讀Bio架，鹽係好重要架！」
「Emm⋯⋯我攞左啲凍肉同海鮮吖」Jack
「我就醒啦，你地啲米啊肉啊都係要煮熟食，我拎左
包炭同兩盒十罐裝既Gas 」David
「你地諗住托返去？」我推左一列車仔「用車仔啦！」
「係喎，都係O仔醒」大家見到果列車仔
「仲有，我攞左啲刀同啲C All Star 應該有用」我
其實我褲袋仲有一盒火柴，希望有用
「係時候要返去架啦！費事啲女擔心我」David
「一定係」兩個師兄反一反白眼
「你地未熟佢姐，慢慢就習慣㗎喇」阿賢
我地返去既時候仲成功殺多兩隻喪屍，我地發現喪屍對血有反應，佢哋好似感覺到我地邊個流血又或者係心跳得快啲
「終於可以休息吓」我，不過仲要同校長報告
「嗰班同你出去但係自己又返嚟嘅人發生咩事？」譚校長
「佢哋受到喪屍襲擊‧‧‧之後佢哋自己走咗，之後……我殺左嗰兩隻喪屍」說出下句時，我稍稍猶豫了一下先至講
「咁樣我聽日再派人出去」校長 「你都辛苦喇，不過你要知道，唔係個個都好似你咁怕死」
一位老師帶領我進入到去圖書館，裡面光線充足皆因全部窗被打破，加上空曠既空間同舒適既座椅，這裡似乎變成休息睡眠的好地方。
不少人都在這裡吹下水、睇下書、玩下小遊戲，令我對這亂世有點改觀。
咪住，咁我咪變咗個班高層嘅跑腿，諗到之後我崩潰左
於是我就同突然間出現係我隔離嘅阿宙瞓着咗
「我覺得要有新規矩，無理由用返校規」我
「我地會考慮一下，你帶人出去搵多啲野食同水先」果位老師
「咪住，我要話到事，另外開條team出去搵資源，得..唔...得」我最後嗰兩個字慢慢講，施加壓力比佢「你要記住我依家既身份—單拖殺左兩隻喪屍既英雄」
之後我就頭也不回咁走咗
————————————————————————
我將呢件事話俾阿宙聽，「嘩！咁你咪好型棍」
「梗係！」我
「我諗住去商場走轉，有興趣嘅就跟住嚟」我喺一樓大嗌落去
有差唔多卅幾人有興趣，當然唔少得我哋「協記五犬」
———————————————————————
不經不覺，我們已經在商場附近遊走左好幾分鐘，周圍除了死寂的氣氛之外，就再其他嘅異樣
我哋盡量避開啲喪屍行，但係都遇到幾隻，係呢個時候琴日攞嘅刀具就係最好嘅武器
「喂唔對路喎，我feel到有啲怪怪地喎」Jack
「你咪生人唔生膽啦」David 「有得啲咩啫，最多咪喪屍」
「哇嗚...哇嗚.嗚.」
「係咩聲？」我
係呢個時候有一隻大概四五米高既怪物衝出黎
「有冇易燃物」我
「我有」阿宙「嗱，天拿水」
「火」我「快」
「我有火機」David 「哎呀！」個火機跌咗出嚟
「 唉真係好鬼累事架你」阿宙
我咬住一支火柴，火柴嘅頂端同左手揸住嘅火柴盒邊互相摩擦「刷」一絲火苗出現咗係我口中既火柴
「你食la」我成支天拿水淋出去，然後將火柴拋出去
「啊⋯⋯啊⋯⋯」睇嚟好有用，隻怪物被火燒緊
「快啲走」我
於是我哋原班人馬撤退返去，好彩冇人受傷，但係怪物好似冇死到，唔知佢會唔會報仇
「你話...慈中有隻大怪物？」一個老師
「係！我哋唔可以行慈中附近」我「睇嚟我哋要多啲人，搵啲夠強嘅武器先可以攻入去」
我將一把長三尺既行山杖改造，將個頭削尖，手柄加上一枝釘，在喺左手手臂上綁上一塊30cmx20cm嘅鐵板，我依家可以話係進可攻退可守
而阿宙丶阿賢佢哋亦都好似亦都搵到自己嘅武器，阿宙用既係一支棒球棍加上鐵釘同螺絲，阿賢嘅武器就係鐵餅加上生果刀再接駁上一條一米長嘅鐵鏈。至於David 用嘅又係一把釘槍，Jack就因為唔想再冒險而呢埋學校幫手
我地召集左五十人，再出發去慈中
————————————————————————
我哋發覺慈中門口竟然唔見嗰隻大怪物，我哋繼續入去，我哋即刻行上5樓嘅超級市場，因為裏面乜都有
我們係商場5樓的超市經過嗰陣，不其然咁樣望下裡面林林種種既貨品。雖然內部深暗，再走入啲可能伸手不見五指，但係我哋眾人嘅目光之中裡面食物或者生活用品，都好似發緊光咁樣等待我們拎走
「不‧‧‧不如，」其中一位師兄吞一吞口水「趁‧‧‧趁我哋仲未出事之前‧‧‧‧‧‧拎哂入面啲嘢‧‧‧就走。」
「我‧‧‧都認同。」另一名師兄亦都同意
第三位師兄慎重咁點左下頭
「唔好俾眼前利益矇閉‧‧‧」我提醒佢地
「我‧‧‧我煙癮嚟‧‧‧‧‧‧俾我入去搵包煙扯一扯先！」手上冇武器既阿Sir抵受唔住煙癮，不顧一切就衝左入去超市裡面：「哈‧‧‧正‧‧‧‧‧‧正啊！」
他先到擺麵包既貨架上，歇斯底里咁用蠻力扯開透明膠袋，一啖將裡面既餐包狼吞虎嚥，跟住又行入去最入面，我地見佢唔到既地方，只係聽到佢講：「哇！！有水啊，呢到個雪櫃有水啊！！！」佢喜悅的聲線，徊繞著整間超市
「我‧‧‧我都‧‧‧‧‧‧」師兄又吞了一下喉，就好似係口渴左好久一樣，準備就步隨入去
我捉住他隻手，個師兄即刻轉頭望左我一眼，我搖一搖頭，其他人都衝左入去
係嗰個阿Sir同師兄師姐們係超市裡頭享受甘露既同時，裡頭隱約咁傳出左不明既雜聲
「咔‧‧‧咔咔咔‧‧‧」
「啵‧‧‧‧‧‧」
「砰‧‧‧噠噠‧‧‧」
聲音就好似係超市深處有啲嘢行緊出來，但係唔小心撞到周圍既貨架搞到啲貨品全部都跌晒落地下咁
「阿‧‧‧阿陳，阿陳！」冇入去嘅師兄都覺得唔妥，想叫佢個friend快啲出來
但係，他似乎沒想過要出黎
「O仔‧‧‧我哋洗唔洗入去保護佢‧‧‧」一直貼緊住我身邊的阿宙問。
「唔洗，嗰隻大怪物冇可能咁簡單就俾我哋上到嚟三樓‧‧‧而唔出手阻止。」我望住超市深處：「就好似有個陌生人入咗你屋企間房，都冇可能唔趕佢出去㗎嗎」
「咁即係‧‧‧‧‧‧」阿賢
「睇嚟怪物有信心‧‧‧喺我哋搵到佢間主人房之前，就已經全軍覆沒喺佢屋企走廊。」
「嗶──」的一聲，突然，超市既透明捲閘俾人放咗落嚟
「做‧‧‧做咩事！」另一個阿Sir問
「閘門閂緊‧‧‧‧‧‧」我諗住頂住嗰度閘，但係完全無用啊：「出嚟啊！」
阿宙、David同阿賢見狀，即刻學我上前用雙手頂住閘門，並叫裡面既人出嚟
「咩事啊‧‧‧！」裡面的佢地亦感覺到奇怪嘅的氣氛，一枝箭咁就係超市深處跑返出嚟，不過在他背後‧‧‧‧‧‧卻左了隻喪屍跟住他。
「你後面‧‧‧」David呆滯咁望住佢身後：「係喪屍啊！」
嗰個拎住幾支水嘅友仔轉頭一望，一望就嚇到嗌左出嚟。一隻滿身紅點，生前像係地盤佬咁樣嘅喪屍，用雙手捉住佢嘅背脊
「啊呀呀呀呀呀！！！！」
只差幾步既佢就快要喺超市裏面跑返出嚟，不過‧‧‧‧‧‧嗰隻地盤佬喪屍用修長既手捉住了佢嘅腳踠
被抓住腳嘅他狠狠地仆咗一下，博命咁樣捉住地下想要爬去前面，但係隻喪屍就用佢力大無窮嘅雙手將佢強行拖入超市深處，隻喪屍佢它面上裂開嘅口形成一種詭異嘅笑容，望住無力幫助隊友嘅我哋，好似喺度嘲笑緊我地既無能為力又或者示意‧‧‧‧‧‧下一個目標就是我地
閘門漸漸下降到我哋都頂唔住嘅位置，於是我哋只能退後一步，眼白白望住深處裡，痛苦既慘叫聲及血濺嘅聲音
我：「走！留喺度多一分鐘，只會多一分危險」
「得番我哋十四個‧‧‧‧‧‧」David苦惱咁暗住塊面，有一種心如死灰的絕望
「O仔‧‧‧！點算啊！！再係咁跑都唔係辦法‧‧‧‧‧‧我哋實唔夠佢快‧‧‧‧‧‧」跟我逃奔緊既阿賢問
「‧‧‧」我邊走，邊睇下周圍有冇乜脫險方法
「嘰‧‧‧！！」隻大怪物同埋喪屍很快就追到我地後面，追捕著我地
「O仔！」David想哭咁：「佢追到嚟啦！！！」
「米線陣‧‧‧」我記得前面有間餐廳：「入去個到！」
David揸住把刀，一路跑到餐廳門口就用力狂劈玻璃門身，破門入去。如果佢嘅勇猛用在砍喪屍身上，畫面會型好多
「入得！」
這間餐廳跟其他鋪頭差不多，都暗淡無光，好彩出面嘅陽光透過一啲窿窿罅罅隱約照到呢裡，好讓我們能清楚自己的位置
「O仔啊‧‧‧入咗嚟之後又點啊！？」嗰個師兄又急又怕
「廚房！引佢去廚房！咁佢一入嚟就嚟用火爐爆炸炸死佢！！！」David咁樣算唔算係急中生智？他居然提出意見喎
不過我忍唔住都係要出聲：「David ‧‧‧ 我哋都係人，會俾人炸死。聽住，我只會講一次，一陣隻大野衝入嚟，阿賢拎條鐵鏈套住條頸然後繞住佢，喺佢條頸俾你用力扯住個瞬間‧‧‧David ！你拎個大煲笠住佢個頭，另外大家再拎刀斬佢手手腳腳就得。」
「難度咁高‧‧‧？」David 呆左，手又開始震：「我做唔到嫁喎‧‧‧‧‧O仔！」
「做唔到‧‧‧都要做。」我喺廚房搵到個大煲，拋了給David ，阿賢則握緊住一條狗鏈，阿宙就同其他人商討點樣排位
「轟呀...轟呀...」隻大怪物嘅腳步聲已經喺出面徘徊。
我收細聲量講：「靜‧‧‧佢嚟。」
「轟呀‧‧‧‧‧‧」
隻怪物直接行入餐廳，匿埋喺餐廳我準備引佢入廚房，我一路跑一路跑，點知佢唔睬我...
空氣，瞬間冷凍起上嚟
我戒左自己一刀，果然吸引到佢，於是我哋就依計劃行事
引佢向廚房方向行，阿賢用鐵鏈綁住佢，David 用大煲笠住佢，我哋衝上去亂刀斬佢，點知……
原來呢隻嘢刀槍不入...
「咁到底點算」David
「唔通真係冇辦法」我
「我有Gas ，我可以掉喺佢個嘴裏面，但機會只得一次」阿宙
「唔好理啦，博一博單車都變摩托」我
「等我嚟啦」迪Sir「你地要生存落去」
「好，萬事小心」阿賢
係呢啲環境，我地亦都唔作過多嘅輓留
我哋引隻大怪物抹大個口，阿賢用佢嘅武器卡住佢個口
將果罐Gas叼落佢個口度。我掹出一支火柴擺落佢個口
但係必須要搵一個人捉住佢，係呢個時候迪Sir衝出去攬住佢
「轟呀⋯⋯」
佢救左我地
「O仔‧‧‧！我‧‧‧我哋即刻入返去救人啦！！！」阿賢
我只係默默地撳住他個膊頭，話佢聽一個殘酷嘅事實：「阿賢，就算你咁做都冇用‧‧‧呢一個，係命運」
「咩‧‧‧咩意思啊‧‧‧‧‧‧」
此時，天空落大雨，雨水掩沒左周圍唔少嘅高樓大廈，雨大到好似瀑布咁
「轟隆──」雷鳴聲四起
「可能個天都為佢嘅犧牲而喊」我
呢日個天特別灰
———————————————————————
我哋返到學校
「佢為咗我哋犧牲」我
「講下嗰隻大怪物」校長似乎冇事左阿Sir嘅犧牲
「佢似乎係班喪屍嘅皇者，佢嘅弱點係火‧‧‧‧‧‧所有生物都離唔開呢個定律」我強忍住淚水
有時望住灰沉嘅天空，同埋滂沱嘅雨水，無力感都會悄悄湧入我體內。或當我合埋雙眼，某啲事情又會湧現出嚟
但係雨點聲，將我拉返嚟現實
而我們幾人再一次喺學校聚頭就係阿宙邀請了我們所有人去他同其他人住既地方──3樓既309室
之所以少見啲係因為佢地唔想勾起回憶
裡面對十個人住既阿宙來說，空間好充足。放住一張共用沙發及長桌，沒太多餘的東西，可以拉下窗簾有自己私人空間
「歡迎！」阿宙打開門，讓我跟David入去
長桌上放滿林林總總既食物，有少量火腿片、一大碗咖哩配白飯、幾塊香煎蝦餅、一盤雜菜沙律和幾罐沒氣既汽水，呢一餐飯已經稱得上大餐，睇黎阿宙幾大方
「你哋嚟啦！？」已經蘸著咖哩汁吃掉一半火腿片既Jack，同我地打招呼
「阿賢呢‧‧‧？」David 徒手拿起塊蝦餅放入嘴
「佢話晏啲嚟。」阿宙
「喀喀——」敲門聲。
天明走去開門：「咦⋯阿賢！嚟啦？」
「歡迎歡迎！」阿宙係個喜愛熱鬧既人
阿賢既臉色眼起來有啲虛弱，似乎仲未完全恢復好精神
一路食一路傾，快樂時光過得好快
————————————————————————
「咦？係保1校長，佢嚟做咩？」David
「唔知，因為我根本未睇得清佢」我
「佢雙眼‧‧‧就好似，收埋住某啲事情咁‧‧‧」「我啊，最討厭呢種人。」
「點解。」David
「猜唔透。」我
「我都討厭你呢種人」阿宙「感覺好自以為是」
「如果佢做我地同伴，咁我地應該輕鬆好多。」
「嗯‧‧‧我想知，」我將頭傾前，盯住保1校長：「你到底係唔係一個可信嘅人。」
的確，我地要小心佢
————————————————————————想逗一日既我想先周圍睇下，見到有一個市集擺放左喺操場
但係我都冇物品同人交換，呢個市場嘅嘢唔係共享制，而係用以物易物嘅方式‧‧‧‧‧‧不過我而家咩都冇‧‧‧
「咁‧‧‧」我摸摸自己個袋，有出門前帶住果兩枝水，其中一枝未開封既拋比個師姐：「呢枝水換到幾多武器？」
「水‧‧‧！？用呢啲必須品換武器！？」師姐就好似接到神聖之物咁，雙手微抖咁捧著Bonaqua蒸餾水
「有體育用品同一啲武器」師姐
「我要呢個」我指住對溜冰鞋，一開始我已經比佢吸引住
「好，嗱！」師姐遞比我
「呢啲嘢點得返嚟？」我右手接既同時左手指指其他野
「係調查兵團出去搵返嚟，我再收購」師姐答
「吓，打巨人呀，調查兵團」我𢱑哂頭
「都係名一個姐」師姐「你咁多野問嘅」
「Emm...打攪哂」我
之後我就去左搵留喺到生活既阿行
「我呢四日有八成時間出左去，呢度發生咩事」我
「嗱，第一日呢就大家共享資源既，但係之後有人開始以物易物，雖然有分配資源，不過已經唔係主流」阿行
「原來我一直幫咗啲奸商」我「咁調查兵團係？」
「嘩！個肥仔真係唔識架喎...」我睥一睥佢打斷佢「佢哋主要負責清除喺附近既喪屍、搜救附近嘅幸存者、對外探索有物資嘅地方，最後目標‧‧‧‧‧‧喺全個黃大仙區建立番一個小型文明社會體系。」「不過暫時‧‧‧我哋都只係發現到有物資嘅地方同主要有大量喪屍出沒既地方」阿行
「咁我地呢到而家剩返幾多人」我
「600幾人，有啲自己出左去，之後就...一去不返...」阿行「調查兵團有百幾人，大部分都係男既，我地唔會迫人出去」
「點解你知咁多野嘅，你唔係摺埋喺度架咋咩」我
「我係調查兵團嘅後勤人員嚟㗎」阿行
「咁睇嚟都無乜用喎！」我「好，我返去先」
返到去之後，我將溜冰鞋塊刀片接駁上去我支行山杖上面，加強攻擊力。
「呱呱呱……」門外嘅喪屍成群咁出沒
「點解會咁」我
「「哧呀呀呀呀呀呀呀呀！」
「你哋將佢嘅皇殺咗」阿敬「從我哋調查兵團嘅查探得知，所有喪屍都有特別嘅關係，出面呢一班就係皇嘅親兵」
「咁……」我
「殺！」校長「我哋唔可以比佢哋喺出面」
「咁樣嘅話…… 」我
「調查兵團做嘢！」講嘢嘅係天明——調查兵團嘅團長
調查兵團出嚟嘅大概有70人，有一部份人出咗去搵物資
「佢哋得唔得㗎」我
「我地經過實戰同埋訓練，點會唔得」天明，佢指一指我哋幾個人「你哋聽我發號施令」
「好」我，而家情況係咁我都冇嘢好講
正式開戰
The One亦都派左50人嚟幫手，睇嚟佢哋想同我地保持良好嘅關係
「開門」天明
我哋都握緊手上嘅武器
「殺」天明
我哋睇住訓練有素嘅調查兵團出去對付喪屍，都嚇咗一下，估唔到佢哋竟然咁強，只係短短的幾日就已經有自己嘅一套方法
我哋一行出去見到一隻好熟口面嘅喪屍，竟然係佢
「係朗逸，朗逸變咗做喪屍」阿宙指着其中一隻喪屍講
望住昔日嘅好友變成喪屍，我哋都唔忍心落手
我嘅行山杖塊刀片去到佢頸前面，停咗落嚟
阿宙同阿賢嘅武器亦都係佢前面停低咗
朗逸嘅好朋友——後勤人員阿敬沖上嚟同朗逸相見
「 朗逸...啊...」阿敬
「咔……」朗日一啖咬左落阿敬隻左手度
「啊……」阿敬手起刀落將左手斬咗落嚟
「阿敬，你隻手...」我
「冇事」佢強忍住痛苦，然後含淚撤退
我始終唔忍心落手
「阿賢，鎖住佢」我「帶佢返去先」
我將目光放喺遠處一隻貌似有智慧嘅喪屍身上
「呢隻等我來對付，你哋返入去守住先」我同嗰啲且戰且退嘅團員講
我望住呢一隻有智慧嘅喪屍，就狠狠地斬落去佢條頸，點知俾佢輕易咁樣避開左
我轉身一刺，點知比佢捉住支行山杖，再中佢一拳，你一拳打得好應，中咗我眼角，感覺到溫暖嘅鮮血掩蓋左我嘅右眼
「啪」一粒釘從佢嘅眉心打入，係David
「俾你威番次添」我忍住痛，苦笑住講
「佢冇咁易死」我
「你...好...，或者你…可能會…好奇點解...我會識講...野」嗰隻喪屍
「我係喪屍中既天才」從佢口中吐出嘅嘢，我哋已經睇得出佢係一隻學習能力好高嘅喪屍
