第一章,我的軟飯王兄弟·甜蜜蜜
［進言視角］
仲記得中一嘅時候，我愛上左一個同班嘅女仔.....
時間真係過得好快，轉眼間已經過左三年，佢已經係一個高中生，而我仲係中三呢個奇妙嘅級別。但天意愛作弄世人，又有幾時會順如人意？
當初係我鍾意佢在先，估唔到而家我竟然會成為人哋口中嘅賤男，不過我一啲都唔在意。
仲記得嗰陣時佢着一條寶藍色嘅長裙，長裙跟隨住佢嘅郁動翩翩起舞，比起翩翩起舞既蝴蝶更優美。佢嘅名應該就係來自於
源於《周禮》中的一段話，風、賦、比、興、雅、頌，佢個名就叫做興雅。
當時我仲結識咗一個朋友，佢叫傲一，佢一路都鼓勵我勇敢啲去追興雅。
「咁即係話...你同興雅既關係...仲係處於同學...點頭之交既關係？」
『嗯...』我點一點頭。
「無乜交流？」傲一問
我諗左一諗：「唔...我有睇下佢個波...佢又有睇下我地打波咁...」
「嗯...我意思係指你同佢有無傾下計丫咁呢？」傲一又問
「唔...我哋班都有一班人一齊傾下講下咁囉。」我
「你同佢之間？我意思係...你同佢之間有無單獨既交流...傾下計？」傲一
「冇乜」我
「咁你要俾心機呀！」傲一
嗰陣時班上面我仲有一個好朋友，叫天宇。記得有一次無意中比我發現左佢同我一樣都係鍾意興雅，當然係我贏咗，如果唔係都唔會有接下來嘅故事。
我係呢一年入面開始同興雅做咗朋友，去到下一年，我搵咗一個好好嘅機會，直接同佢表白，成功左。佢個笑容好甜，好似小熊維尼手上嘅蜜糖咁。
我以為會係一個好好嘅開始，估唔到會發生之後咁多事情。
［興雅視角］
我仲記得中一嘅時候，當我帶住疲憊既身軀，照平時既時間返到學校，遊遊魂魂咁行到埋自己個位之後手軟軟咁輕輕手，放好書包。儘量精神咁掃一掃條寶藍色長裙...坐喺差唔多日日都會坐八個鐘既凳上...
“咯...咯...咯...咯...”未幾，我聽有腳步聲，正要由走廊行入黎我地課室。
係佢，我冇可能會認錯..
進言，一個身材小小肥胖，皮膚黝黑嘅男仔，但係佢唔知點解莫名有種吸引力。唔得，我唔可以俾佢吸引到。
直到我中二嗰年，進言向我表白，我素來對佢都充滿好感，於是就應承咗佢。呢個時候嘅佢好似習伯伯一樣咁溫暖，好似太陽咁，照耀着我溫暖着我。
於是乎我哋就正式一齊左。
第一章, 我的軟飯王兄弟．你變咗
［進言視角］
同興雅一齊左之後，佢比我嘅感覺好唔同。本來佢就好似一隻起舞嘅蝴蝶，而家佢就好似一隻蜘蛛，佢嘅蛛絲就將我哋連住。
佢咩都要check住我，我同其他女仔傾多兩句話我狗公。而且佢哋都好似唔係好簡單咁。
直至到我第一年中三，我同佢同班，起初諗住冇乜特別最多都係麻煩，直至我哋....
［興雅視角］
同進言一齊左之後，佢比我嘅感覺好唔同。本來佢對我好好，自從佢識左天宇之後，成個人唔同哂啦。
佢話咩都要check住佢，我只不過係唔想佢咩都唔比我知。進言，你變咗喇！
［傲一視角］
係我眼中進言興雅佢哋的而且確有過一段美好嘅時光。
「咁即係點呀你哋？」天宇問
「我都唔知啊，分手好似又唔係咁好。」進言
「好彩我嗰陣時冇溝佢姐！」天宇
「呢個唔係重點，問題係你哋個問題出左係邊度你知唔知？」我問
「佢成日話我唔理佢，又冷淡又剩返咁⋯⋯」進言
「咁你咪搵多啲人哋囉！」天宇
「真係唔知應該講啲咩好。」進言
「慢慢嚟啦，增進下感情先。」我
——————————————————————————
［興雅視角］
「咁你無留住佢咩？」問嘅係我嘅好姐妹-思樂
「無丫…點留喎..」我
「你都係算吧啦...」佢同另一個姐妹施詠對望一下，再擰一擰頭..
「唉～你都唔着衫瞓左喺床上，佢都話拜拜，你唔算吧既話仲可以點？」施詠
「下...你講咩呀？」會唔會誇張左啲
「唉～打個比喻啫！」施詠又長嘆一聲
「但如果話孤男寡女獨處一室，你仲要衣衫襤褸咁瞓左喺床上，佢都無反應既話...」施詠又繼續講
「睇黎佢真係對你無咗愛喇...」思樂
「真係咁咩？會唔會係...」我都未講完
「算啦～唔好再俾藉口自己！」施詠捉住我隻手
「但係...」我仲係未講完...
「乖啦～青春好寶貴架...」思樂
「唔好再將自己既青春，浪費喺一個唔再愛你既男人身上喇...好嗎？」佢哋異口同聲咁講
或者...佢哋講得岩，唔好再浪費喺一個唔再愛你既男人身上。
［傲一視角］
「叮..」係興雅
自從佢哋一齊之後，每當有啲咩感情問題或者煩惱都係由我解決。
我依舊send返興雅嘅錄音同千字文比進言，希望佢可以自己做吓嘢，氹番人又好，嗌下交又好，總好過要靠我呢個傳聲筒。
誰不知過咗幾個月，佢哋始終都係分咗手。某程度上都算係一件好事。估唔到佢哋分手，我都會捲入漩渦之中。
「叮....」
「我真係好想知點解佢會變成咁。」-興雅
「佢又已讀不回啦！」-興雅
「點解會咁㗎！」-興雅
「你問吓佢幾時方便約出嚟！」-興雅
「如果佢覺得我煩，希望佢遇到下一個係日日去玩唔理佢，唔會搵佢。就算佢係咁洗佢機，條女真係唔覆唔理，咁呢啲係咪愛？」-興雅
雖然冇人講過係邊個提出分手，但係好明顯已經睇得出興雅係俾進言提出分手嘅。
第一章, 我的軟飯王兄弟·傳聲人
［傲一視角］
「第七十八個喇...已經係第七十八個雙藍剔喇...你話佢係唔係真係咁絕情啊！」-興雅
佢哋分開咗兩個月...三個月...六個月...十個月...足足一年
中間大部份時間都係由我傳話，我都已經好攰，無論係我去旅行、食緊飯定係出緊街，興雅都會WhatsApp 我，九成九嘅Message都係「進言乜乜77」咁，我真係好心累。
我由對兩個朋友分手感到替進言鬆一口氣，到惋惜佢哋嘅感情話變就變，到我為興雅不停搵我而覺得疲憊同厭惡，又有時俾佢嘅說話打動，再次幫佢。
一次又一次...一次又一次....
「幫我叫佢unblk!!」興雅message
「OK」我...
我就將呢一樣野原句copy 返send比進言
「喂！大佬你可唔可以分手分好啲啊！又搞我喇！」我
「咁你咪唔好理佢囉！」進言
「你知我點解唔可以唔理佢㗎！」我
睇到呢度係咪覺得我愛上咗興雅呢？
喺呢度我可以話你聽，唔係呀！
其實係我當時鍾意咗興雅嘅好朋友-思樂。南非前總統曼德拉講過；「要追一個女仔，首先要同佢最好嘅朋友打好關係。」
咁亦都導致左我進入左一個情義兩難全嘅局面。
經過我多次嘅開導同埋勸解，興雅依然都係放唔低進言。
「我想問你借少少錢。」進言
「借幾多啊？」興雅
「800蚊。」進言
「要嚟做咩啊？」興雅
「唔關你事！」進言
於是我又受興雅所托，問進言點解問佢借錢，得到嘅答案係「買嘢。」
因為佢一係唔還錢，一係就隔好耐先還，所以佢係我哋成班兄弟入面俾我哋笑係軟飯王。
隨住時間嘅推移，我漸漸將心機花少咗係佢哋呢一pair身上。
第二章,我的B仔·陌路人
［天宇視角］
我依然坐喺班房入面，今日大家都比較寧靜。
由於今日有個小測驗，所以可以靜靜地咁坐喺度瞓教。
本來小測係一件一啲都唔輕鬆既事，但係我從來唔理呢啲嘢，依然悠然自得。
我瞓唔着，於是喺個班房四圍望，望下窗外既天橋，望下後面個壁報板，望下天花上既樓底扇，但望下望下都係不知不覺間望落班女同學身上...
我又望下望下...望到坐喺後一排嘅Jessica，佢嘅雙眼話我知佢唔係一個普通嘅乖乖女，佢身上有一種吸引住我嘅氣質。
「喂！點呀宇哥！今次quiz住瞓定瞓住quiz呀？」我嘅兄弟之一-傲一問
「冇啊傲仔sorry喎！今次完全冇掂過份卷囉唔好意思！」我
繼續做我嘅語氣話佢知
其實好神奇，我哋成班友都冇一個係認真讀書咁滯，都係升到班就算，反而傲一佢可以平衡到讀書同同我哋玩。
「喂！食咩？」介紹返，呢個都係我嘅兄弟之一阿龍，不過佢好gay,所以我哋多數叫佢做Gay龍
「譚仔？」進言，我另一個兄弟
「是但啦，我仲要返去當值。」Jack，可以話係全校返校規最多之一嘅prefect
「唉，快啲行啦，我仲要轉頭打俾我條女。」Andy
———————————————————————
「喂，天宇哥，幫個忙得唔得先？」Jessica 行埋我個位度
「咩啊？」啱啱食飽飯梗係瞓下覺先
其實我唔應該喺個咁光明正大既地方，成條死屍咁攤喺道，不過真係眼瞓
我真係好怕同Jessica有視線接觸，之前都有講過，佢對眼，總係帶有些少...邪氣...
但就算我而家只係望住佢隻手...都好唔自然
再望上啲.....你懂的
我唯有再趴返低
「天宇～」我被呢把甜美既聲線搞到全身震左一震...
再立即彈一彈起身
「點啊又？」我保持冷靜
「幫我整一整啲嘢得唔得呀？」Jessica 問
老老實實，Jessica 都可以話係我哋班嘅班花，佢要搵人幫手可以話係易如反掌
「Jessica …你...係唔係有D凍？」我不經意咁望住佢對眼，摸下佢隻手
「唔～」Jessica 擰一擰頭，「因為無乜機會俾人拖..」
呢句說話，係乜野意思呢？.
我猜唔透...我猜唔透呢句話既意思。
因為我好不幸地俾Jessica 對眼石化左，就如望到美杜莎對眼一樣被石化左，被石化既我已經無任何防禦能力，就算係想退縮都無可能，俾人一下斬個頭落嚟...
係佢刻意既挑逗？定只係無心既多餘動作？
自此之後我都好少同佢有交流，我瞓覺，佢有佢收兵咁。
之後喺傲仔口中聽到佢玩課外活動嘅時候同咗一個叫阿Ming嘅男仔一齊咗。
