上集:https://post.shikoto.com/posts/118071-為咗唔畀禮金,我打瘸咗女朋友隻腳

再租一次劫匪,稍稍喺心心小腿打幾下,可能結咗婚就好番呢。
呢次我落重本,畀咗六萬蚊,為免出錯,劫匪一出場就迷暈咗心心。
「打瘸一個咁靚嘅女仔,會折福。」劫匪拎住鐵棍,笑住講:「老細不如加多十萬。」
坐地起價?我有咁多錢,我就畀咗禮金啦,我死都唔制,
講唔掂數,劫匪居然走咗。
我望住昏迷嘅心心,點算好?白費功夫,睇住佢同有錢仔相睇,拋棄我......
我發現地下有支鐵棍,應該係其中一個劫匪留低。
錯過呢次機會,就無得番轉頭,唔通咁短時間,俾人打劫三次咩?

我用件外套包住隻鐵棍,合埋眼,狠狠打落心心隻左腳度,

一下、一下、再一下......直到心心成腳都係血,我又喺自己對腳打咗兩棍,當然輕手好多。
去到醫院,無人懷疑我,因為心心昏迷前,親眼見到持棍劫匪。
唯一嘅問題係,我打得太重手,雖然心媽無再拎禮金,婚禮一切從簡,但結婚果日,心心仲係坐住輪椅。
我好愧疚,我發誓,就算心心企唔番起身,我都會一世不離不棄,
呢番宣言,令所有賓客好感動,拍手讚我有情有義。

但係,播成長片段果陣,條片俾人換咗。
我睇過套電影,話婚禮播片,播咗新郎出軌片段,
我曾經以為,人生最尷尬嘅事,莫過於此,但原來我錯咗。
出軌片段算乜野?眾目睽睽,睇住大螢幕上嘅新郎,面目猙獰咁打瘸新娘隻腳,先叫尷尬。

結唔成婚,我亦坐咗監。

我話,係心心索要巨額禮金,我懷恨在心,班劫匪走咗,我趁機發洩。
我無認劫匪係我收買,否則,毀容單野又多一條罪。

一年幾後,心心黎探監,
坐喺電動輪椅上嘅心心,個肚已經好大。
「個仔係Stanley架?你地結咗婚?」
坐監呢段時間,我諗清楚,一定係Stanley害我,
佢係我伴郎,有機會換條片,連劫匪都係佢介紹,就係為咗搶走心心!

我好激動:「心心,唔好信Stanley,係佢害到我地咁架!」
「我知道晒。」心心好平靜:「你地個『貨物理論』好岩,我依加瘸咗,係殘次品。除咗佢,仲有邊個肯接貨。」
「佢係賤男!佢係罪魁禍首!」我愈講愈激動。
心心反問:「咁你呢?唔係你親手打瘸我?」
我呆咗,我唔知點答。

「得番兩個賤男畀我揀,我會揀,聰明果個。」

-完-