鍾意畫畫嘅我，幾經辛苦，終於搵到一份畫廊嘅工。
呢間畫廊唔賣名家作品，只賣老闆畫作。
其實我老闆畫功唔錯，奈何題材實在太偏門，
佢只畫一樣野：死屍，各式各樣嘅死屍，而且唔畫背景。
而我除咗負責睇鋪，仲要修飾佢啲畫，幫佢加番背景，
好彩自由度好大，我鍾意畫墳墓、草原、地獄，全部都無問題。
偶爾有人行入黎，見到一堆死屍畫，都嚇走咗。
我開始懷疑，間畫廊係老闆有錢，開黎娛樂自己嘅。
直到公司要報稅，我無意中望到張報稅表，先發覺畫廊居然有錢賺。
明明我日日坐喺度，都唔覺有人買畫，啲收入點黎？
明明我日日坐喺度，都唔覺有人買畫，啲收入點黎？
我同女友講呢件怪事，女友話：「可能你老闆有超能力，畫廊只係掩飾，有無聽過『畫物成真』？畫果樣野會變真，保證發達。」
佢一定睇得太多科幻小說，我無奈：「如果有呢個超能力，實畫金銀珠寶，邊有人會畫死屍？」
女友答唔到，呢個話題就咁完咗。
直到有一日，我上討論區，睇到一個講失蹤案嘅post，仲有失蹤者嘅大頭相。
咪住先，個失蹤者......咁似前幾日果幅畫嘅死屍？
人死咗，同生前證件相個樣，相差好遠。
如果我唔係為咗畫背景，對住條死屍琢磨咁耐，我都唔會認得出。
有咗呢個方向，我再搜索其他失蹤案，
居然發現，老闆畫嘅死屍，大部份都係失蹤人士......
居然發現，老闆畫嘅死屍，大部份都係失蹤人士......
「好恐怖，人地失蹤啫，佢做乜要畫畫咒人地死？」女友聽到打冷震。
咁我無辦法：「特殊嗜好......都屬於創作自由，唔通報警咩？」
女友繼續估：「可能所有失蹤嘅人，都係佢捉走殺死，然後畫低條屍！」
雖然咁諗好荒謬，但我從來無見過老闆畫畫，永遠我番到公司，就有新作品。
好奇心加女友煽動，我決定偷偷開OT：
夜晚埋伏喺畫廊，尋找證據。
等咗幾晚，終於有怪事發生，有個男人拖住個旅行箱入黎，老闆帶佢入畫廊倉庫，
「我要一幅畫。」個男人畀錢。
