仲記得我以前成日都諗，究竟咩係鍾意，咩係愛? 而家，我終於都知道兩者既分別。

鍾意，係兩個字。
愛，係一個字。

鍾意，係發掘佢既優點。
愛，係包容佢既缺點。

鍾意，係一種直覺。
愛，係一種了解過後既感覺。

鍾意，係一種友好既表現。
愛，係一種真心既表現。

鍾意，係你見到佢喊，你會盡量安慰佢。
愛，係你見到佢喊，你會喊埋一份。

鍾意，係你會想同佢見面，同佢一齊。
但愛，係有時你會怕見到佢。唔係話唔想見到佢，而係怕離別時對方既背影。

鍾意，係你會想咩都話比佢聽，唔理佢既諗法，因為你淨係想得到佢既注意。
愛，係有D野你會選擇唔講出口，因為你想保護佢。

鍾意，係佔有。你為佢做過既事你會想比佢知，想同樣得到回報。
愛，係真心付出。你會默默喺背後為佢付出，唔會刻意比佢知亦唔會要求有回報，因為你覺得一切都係值得的。

鍾意，係一種感覺，係短暫的。
而愛，係刻骨銘心，永不磨滅，係長久甚至永遠的。