我家老婆：
我，一路以黎都唔相信喺交友apps會真正搵倒另一半，直至，我遇倒你。
仲記得某日，我inbox收倒你既msg，當時我收倒你個msg心諗實係又一個撩人講淫野／搵sp既。但我當時無諗咁多所以就hi番你，就係咁，一日又一日咁閒聊，貌似大家都覺得對方幾好傾，所以之後有一日你抄左我牌。
之後既每日，我就開始機不離手，每刻都期待住你覆既whatsapp。我地傾既內容不斷升級。點升級？就係，一日比一日更flirty。
傾左我諗大概兩個星期倒，你終於約左我出黎，嗰日仲要係3月14，呢個咁特別既日子我永遠都唔會忘記，因為呢日自此就成為左我地既紀念日。
第一次出到黎見倒你真人，我第一個諗法就係，哇，乜同相差咁遠既，搞乜個樣咁頹既！而家諗番，你嗰排一定係讀書太辛苦。而家個樣就唔洗講啦，喺我眼中無人靚得過你！嗰次一見倒你真人我就堅係紅都面曬，興合合咁，諗番都怕醜仔。
就係咁，我地開始左。到而家，我地岩岩過左半年anniversary，黎緊3月就一年了。同你一齊左之後，我變左唔少。I think that's because you've really completed me. 我變得個人無咁冷血，更有情感，更感性。我變得自己比以前更成熟，更會為自己既將來計劃，因為我想第時同你有一個好既將來，一個好既家。
雖然你住天水圍我住柴灣，喺香港都long d，但呢樣野阻止唔倒我地，有心唔怕遠，好開心我地每個星期都有至少2-3日可以見面。每次一到同你見面嗰日，我番工嗰陣都零舍興奮，做野零舍有動力，想快d收工見倒你。每次見面嗰陣，到知差唔多時間要走前既一個鐘倒我心入面就開始會依依不捨唔想咁快夠鐘。到走，送你走嗰陣，我又會不斷goodbye hug你，喺地鐵hug極都未完嗰隻。到走左之後喇，就會即刻whatsapp對方，同步番家。番到去，又會同步沖涼。到最後訓，就會whatsapp講night night + 兩個kisskiss emoji，你仲話一定係要得兩粒，因為一粒係你一粒係我黎。如果有一晚無講既話，我會嬲嬲嫁。
我覺得好幸福。因為你，我開始會聽以前從來都唔會聽既粵語歌同埋睇多左港產片，而你，亦開始聽你以前唔多會聽既英文歌。因為你，我留意多左政治野，因為知你同你d兄弟鍾意討論政治。咁做係因為想了解同融入你既世界，欣賞你愛既事情，接觸你既領域。
我鍾意你個人夠爽，講野又夠直接，性格又唔港女，做野又有自己既諗法。中文又叻，填詞又叻。又識慳錢，又識煮野食（至少叻過我先），簡直就係賢妻。老婆，你無得輸呀！仲有，你有時講野又真係幾好笑既。
我鍾意成日比你話on99，成個細路咁。我平時其實唔係咁嫁，只不過係因為，我遇倒最可信任既你所以先會咁。
遇倒你已花光我所有既運氣。
SM80
你家老婆上
