我係一盞神燈，有三個願望果盞，阿拉丁死後，我服務過好多個主人，
呢一次，執到我嘅主人叫阿靜，好靚女。
我循例了解下呢位主人，呃，即係上阿靜IG睇下，
發現佢幾幸福，女神級嘅美貌、屋企有錢、身體健康家庭美滿，仲大把觀音兵。
阿靜諗咗一陣：「第一個願望係，要一段愛情！」
「妳咁多人追，揀番個咪得。」使乜浪費寶貴嘅願望？
「唔同架，果啲人只係貪圖我美色，我希望有人欣賞我嘅內涵。」
阿靜咁堅決，我當然唔會違背佢。
「無問題，妳有咩內涵？」
搵愛情就簡單，只要阿靜講出佢有咩內涵，我再用「神燈Google」搵個志趣相投嘅對象，拉埋佢地條紅線，搞掂！
阿靜沉默，
我決定幫幫佢：「我見到妳IG話自己係文青，呢個方向得唔得？」
阿靜大力點頭。
「妳鍾意邊類文學？詩經楚辭唐詩......」見阿靜黑晒面，
我即刻改口：「唔鍾意中國文學，英國文學都得，或者現代啲村上春樹果種......」
「收聲，唔要文青啦。」
雖然我唔係幾明，文青乜唔係「文學青年」？
但作為盡責嘅神燈，我馬上提供出路：「或者唔係才學，
係性格方面嘅內涵，例如溫柔賢慧、盡責、聰明......」
我列舉咗一大堆優點，阿靜惱羞成怒：「總之我第一個願望，
就係要個『靚仔有錢幽默溫柔有才華六舊腹肌，欣賞我嘅內涵』嘅男朋友，你照做啦。」
阿靜大力點頭。
「妳鍾意邊類文學？詩經楚辭唐詩......」見阿靜黑晒面，
我即刻改口：「唔鍾意中國文學，英國文學都得，或者現代啲村上春樹果種......」
「收聲，唔要文青啦。」
雖然我唔係幾明，文青乜唔係「文學青年」？
但作為盡責嘅神燈，我馬上提供出路：「或者唔係才學，
係性格方面嘅內涵，例如溫柔賢慧、盡責、聰明......」
我列舉咗一大堆優點，阿靜惱羞成怒：「總之我第一個願望，
就係要個『靚仔有錢幽默溫柔有才華六舊腹肌，欣賞我嘅內涵』嘅男朋友，你照做啦。」
我都唔明阿靜嬲乜，啲女人奇奇怪怪，
要人欣賞佢內涵，又講唔出自己有咩內涵。
我都嬲嬲地，直接將「靚仔有錢幽默溫柔有才華六舊腹肌，欣賞我嘅內涵」
呢廿一個字輸入神燈Google，搵到個男人就算數。
無幾耐，阿靜就識到Joseph，靚仔男醫生，「神燈Google」嘅第一個搜索結果，
阿靜陷入熱戀，將我擺埋一邊，
我樂得清閒，日日上網睇下美女圖。
喺一個夜深人靜嘅晚上，我突然感受到，主人對神燈嘅召喚！
阿靜明明同Joseph去咗旅行架，唔通佢地遇到危險？
我飛去阿靜嘅所在地，係一間高級酒店房嘅廁所，
阿靜訓喺浴缸入面，氣若遊絲，成缸都係血水。
要人欣賞佢內涵，又講唔出自己有咩內涵。
我都嬲嬲地，直接將「靚仔有錢幽默溫柔有才華六舊腹肌，欣賞我嘅內涵」
呢廿一個字輸入神燈Google，搵到個男人就算數。
無幾耐，阿靜就識到Joseph，靚仔男醫生，「神燈Google」嘅第一個搜索結果，
阿靜陷入熱戀，將我擺埋一邊，
我樂得清閒，日日上網睇下美女圖。
喺一個夜深人靜嘅晚上，我突然感受到，主人對神燈嘅召喚！
阿靜明明同Joseph去咗旅行架，唔通佢地遇到危險？
我飛去阿靜嘅所在地，係一間高級酒店房嘅廁所，
阿靜訓喺浴缸入面，氣若遊絲，成缸都係血水。
