最高境界嘅食花生，一定係食自己花生……
我曾經好想結識一對gay couple，我唔想拍拖亦唔想結婚，但係我想生小朋友。
我希望可以借肚比不能生育的同性伴侶，自己可以感受一下做媽媽嘅感覺之餘，又可以令兩位爸爸有機會養育下一代。而且，大時大節仲三個人都可以扮自己已婚，去敷衍啲接受唔到同性戀、接受唔到剩女剩男嘅各方親友。簡直同時集姑婆屋愛巢溫暖的家於一身，仲勁過攞你命三千。（年輕嘅讀者唔好意思）
有人可能會話同性戀家長會教壞下一代又點點點，我想話，現時絕大部分同性戀喺呢個咁唔non-heterosexual friendly嘅情況下成長，基本上都係擁有異性戀的父母，唔通呢批父母個個係broken mountain咁款咩？
可惜，令人奈何嘅係，同性戀同異性戀一樣，都係無得話勾勾手指尾就天長地久，要變幾時都會變。所以呢個無懈可擊嘅三人組合，其實係一樣好似婚姻或任何愛侶關係咁，有可能因為情變而瓦解。
情，其實係問題嘅癥結所在。幾年前一首天梯，最令我動容的，就是這一句：
「幾多對持續愛到幾多歲，當生命仍能為你豁出去」
要找到一個你當時願意為他赴湯蹈火的人有何難？學黃子華話齋，一時衝動啫。身邊總有好多人，啱啱識嗰一刻，有次差啲撞到嗰一刻，晨早流流抬頭望到佢嗰一刻，傾傾下大家四目交投嗰一刻，你會突然覺得對方好charming，有心跳嘅感覺。又或者好似「吊橋理論」講嘅咁，面對困難嘅時刻，你好似為對方做咩都可以，一瞬間的愛情其實很廉價。，雖然確係幾浪漫。對於沉溺於大量淒美愛情流行曲的這一代，一見鍾情，尤其浪漫
或者對於愛情，穩定是幻象；對於長久婚姻，愛情是侈想。