《你的初戀》
我係小穎，讀緊中四，喺學校有好多男仔都想追我，但我都睇唔上眼。但係，我對一個男仔反而好有興趣。。。 嗰男仔唔係特別出眾，佢又唔靚仔，性格又賤，身材又差，但佢係一個好專一嘅暖男，佢反而令我覺得好有挑戰性
當追緊我嘅男仔知道我溝緊一個「三不是」嘅時候，都喺度話我眼光獨到，但係我冇理佢哋，繼續喺度嘗試追佢
當佢知道我追緊佢嘅時候，佢唔似其他男仔咁，急急應承，佢並冇即時回應，仲提出咗個要求，要我喺三個星期內唔搵佢
我開頭都覺得好奇怪：如果佢想試我嘅話，唔應該做佢一個星期女朋友先嘅咩？點解要唔搵佢呢？
但我冇多問，我按照佢嘅要求照做。後來我知道，佢係唔想分心，好好考試，完成佢患咗癌症末期嘅媽媽嘅願望
我知道之後，覺得好感動，呢件事證明佢係個孝順仔，大大加分
喺3個星期之後，佢遵守諾言，嘗試同我拍拖，因為樂明知道佢係我嘅初戀，而且暑假就快到，所以佢星期六日都格外努力咁喺度plan緊暑假行程
做佢女朋友嘅第一日，全校都知道咗呢個消息，令我好尷尬，但佢就一啲都冇閃閃縮縮，仲大搖大擺咁拖住我隻手，好似驚死人哋唔知我係佢女朋友咁，呢個第一日，我已經覺得好幸福啦，佢令我更期待之後嘅日子
暑假到咗啦，佢按照已經plan好曬嘅行程表，帶我周圍玩，每日都有唔同活動，令我覺得非常滿足
暑假過咗一半，我已經習慣咗佢嘅存在，有一晚，佢突然約我喺公園等佢
「小穎，我唸我哋唔可以喺埋一起了」 樂明突然講呢句野，令我唔知點回應好
「點解呀？我哋唔係幾好嘅咩？點解要分開呀？樂明，我唔想冇咗你呀！」
「你咪煩啦！總之我唔想再同你一齊啦！你以後都唔好嚟煩我呀！」
樂明從來都未試過咁對我。。。佢竟然咁大聲同我講野。。。我嘅眼淚已經忍唔住了，我坐喺公園嘅凳上面。。。喊咗成晚。。。 喺呢個暑假裏面，我冇再見到佢，直到暑假完咗，我以為翻學校會見到佢，喺我仲擔心緊點去面對佢嘅時候，我收到一個消息：樂明佢退咗學！
我翻到課室，見到我張枱有一封樂明寫俾我嘅信，我急不及待咁拆開封信，封信寫住:
「To小穎，
小穎，我嗰晚嘅語氣可能真喺重咗啲，對唔住呀！我嗰晚搵你出嚟，本身喺想話你知，我同我媽媽一樣，都患咗癌症，仲係末期，所以要移民去美國，但係我怕你會唔捨得我喺嗰晚冇話俾你知，而留下咗呢封信
小穎，當你睇到呢封信嘅時候，我唔知仲喺唔喺尼個世界度，我想同你講，識到你我好開心，而且仲可以做你嘅男朋友，係我嘅福氣。我希望你唔好掛住我，喺畢業之後好好努力，以你咁好嘅條件，搵翻個比我更好嘅男仔，同你一齊生活
再見了 樂明」
我睇完尼封信，真係好感動，即場喊咗出嚟，樂明，我想話你知，你係我遇過嘅男仔入面，最好嘅一個！
過咗幾年之後，我畢咗業，唸住去美國碰下運氣，睇下見唔見到樂明
我去到嗰到，人生路不熟，於是請咗嗰導遊帶住我周圍去，當我見到嗰導遊名牌上嘅名：「施樂明」嘅時候，我就知道，嚟美國係我人生中最啱嘅一個決定！
~完~
