《你的風球》
「好耶！終於都八號風啦！又唔駛番工，爽呀！」
「咪係囉！海馬勁呀！李氏力場終於失守啦！終於可以抖吓啦！」
「不如今日去海馬公園挽囉！如果係打風嘅話應該會少人啲㗎！」
「好哇！我都有好耐冇去過啦！」
「不如搵埋小雅同文倩去呀，多啲人會好挽啲㗎！」
「唔好啦，我剩係想同你去㗎咋」
「嗯......咁好啦！我啲去二人世界啦！」
就係咁，小穎同軒軒就海馬公園。
「哇，頭先個過山車好好挽呀，好刺激呀！好彩冇搵小雅嚟咋，如果唔係佢一定嗌到痴線呀！」
「嗯......小穎你覺唔覺得好似少咗好多人呀？」
「打風呀嘛，少人係正常嘅」
「唔係呢，頭先我哋挽過山車嗰時都有人排緊隊㗎，而家一個人都冇，你唔覺得好奇怪嘅咩？而且架過山車上面一個人都冇，但佢仲郩緊，你唔覺得好唔尋常嘅咩？」
「聽你咁講完，我都覺得好似有啲古怪......」
穎軒嘅呢一番說話，令到原本已經好靜嘅環境變得更寂靜
「軒，不如我哋走囉」
「好，我都想走啦，我唔想再逗留喺度啦！」
「嗯，行啦」
「軒，點解行咗咁耐都未到門口嘅？我哋行咗三個幾鐘啦，都仲未到門口.......海馬公園唔係好細嘅咩？點解而家會可以畀我哋行咗咁耐㗎......」
「我都唔清楚呀，但據我所知，海馬公園都冇呢條路嘅，明明頭先係緣路行番返去咋嘛，點會喺度呢？而且你有冇發覺由頭先開始，我哋一直行都見唔到有人呀？」
「我都知道......咁呢到究竟喺邊度嚟㗎？啲人又去曬邊呀......」
「小穎，你試吓打畀其他人問路呀」
「唔得呀......無信號！打唔到呀......」
「咁點算好呀......又冇人可以問......」
「軒，不如我哋繼續行啦，行多一陣睇吓」
「都係搵唔到門口......小穎，對唔住呀」
「軒......都係我唔好，如果唔係我話要嚟，根本就唔會發生呢件事，既然都係咁，我哋不如唔好行啦，我哋坐低傾下可能會諗到解決方法嘅」
「嗯......係啦小穎，你有冇聽過呢件事呀？件事發生喺1953年，有人被捲咗入龍捲風，七十年之後佢出番嚟，但嗰個人話只係過咗一個星期，佢仲話裏面係一個好靚世界，但佢結果因為太掛住家人而走番咗出嚟呢件事呀？」
「冇喎......結果個人點呀？」
「結果個人畀人當係精神病人，佢受唔住壓力自殺死咗......我覺得我哋嘅情況有啲相似，但係我哋係走唔番出去，而佢係可以出無得入。」
「你嘅意思係，假設我哋係入咗一個未知世界，只要我哋可以搵番我哋入嚟呢個世界嘅入口，我哋就可以出番去。係咪咁呀？」
「係啦，如果我假設我哋入嚟嘅地方係過山車嗰度嘅話，咁我哋就要返去睇吓，搵番個出口，我哋就有機會出得返去。」
「咁我哋快啲行啦，而家七點幾啦，已經開始天黑啦」
「點解仲未到嘅？頭先明明都唔駛行咁耐㗎？」
「如果我冇估錯嘅話，呢度嘅板塊係一直移動緊㗎，所以啲路已經亂曬。小穎，加油呀，我哋好快就可以出到去㗎啦！」
「嗯！我信你。」
-----------------------------------「軒，覺唔覺得呢度好熟口面呀？好似嚟過咁。」
「係咩？等我睇吓先。點解呢度咁大霧嘅？咳咳咳，好臭呀陣味，咩味嚟㗎？」
「軒，你睇吓，我哋番咗嚟過山車呢度啦！」
「咦，係喎。小穎，我哋要快啲搵個出口呀！」
「個出口係點樣㗎？唔知佢個樣要點搵喎......」
「事到如今，已經冇辦法㗎啦，唯有周圍睇吓啦。小穎，你要記住呀，只要我哋搵到出口，我哋就可以出番去㗎啦！」
「好啦，不過我同你要一齊行呀！」
「嗯......」
「軒，你睇吓，我搵到張紙呀！」
張紙上面寫住
『你想搵到嘅嘢會喺你睇完呢張紙之後出現。請誠實回答以下題目。
T / F 你對小穎一心一意
T / F 你跟小雅沒有任何關係
T / F 你確定你沒有出軌 』
「點解會咁問嘅？點解張紙上面啲問題係咁㗎？」
「嗯......」
「做咩唔出聲呀？你答咗啲問題先啦！」
「嗯......」
「唔通......你同小雅......真係有嘢？」
「對唔住呀小穎，我唔係有心呃你㗎！」
「原來你哋一直呃緊我，等我仲以為我搵到一個對我全心全意嘅男仔。係我太傻太天真啦......」
「咁你可唔可以答我點解啲題目會係咁嘅？」
「我一直都懷疑你有其它女人......但我又唔確定。其實我係李嘉誠個女，只要我一出聲，爹地就可以幫我熄咗個李氏力場佢，令颱風吹曬嚟香港。我利用咗我爹地嘅人，喺今日熄咗個力場佢，再借咗個海馬公園嚟做呢場戲。如果唔係我今日咁樣做。我都唔知你會呃我呃到幾時」
「原來係咁......既然你都知道曬真相囉，我哋分手啦！」
「你想就咁走咗去？好難呀！呃我人通通都要接受懲罰，因為你呃咗我，所以我決定叫我爹地之後都開住個李氏力場，唔畀任何颱風再次侵襲香港㗎啦！哈哈哈哈！想放假？發夢啦你哋！」
~完~
