其實一直好想好想用文字去將MR.Y 既野去 Close File,
不過一直唔知可以點打, 因為一要打就代表要Replay 一次同MR.Y有關既野......
夜媽媽聽住歌, 就決定要Replay呢一次, 會係最後一次亦係唔再有任何感覺既一次。

其實數數手指,都已經有差唔多2年無見過MR.Y,重記得最後見係佢既生日.....
每年佢既生日我都會用好多時間諗驚喜, 為左佢學整蛋糕就係因為MR.Y 一句話未收過人地親手整既蛋糕 .....
當然重有好多好多野啦 (下刪萬字喇, 都唔想再講.....實在太無面喇 XDDD )

總之就係做咩都會圍住佢而諗, 就算約班朋友出去食飯都會以佢為中心 .....
所以唔好以為做兵係男仔專利呀...... 女仔都可以好恐怖! XDD
係呀! 鬼叫自己果陣鍾意佢咩?? 無計啦!
依家諗番都覺得自己低能 lol

以「好朋友」呢個身份係佢身邊大約5年幾6年.... (其實定應該叫做兵?lol)
一直都無表達過自己鍾意佢.... 直至某一個大日子既凌晨.....

一個Whatsapp 訊息就話左佢知 ...但之後因為太驚而秒速熄左機 XD
其實到我打緊呢篇野既呢一刻.....我都無收到任何一個字既回應...
睇到呢度你會話: 咁即係MR.Y「唔鍾意你」囉 , 都唔覆你啦!
咪講笑! 真係曾經因為佢無覆過而唔甘心, 果排成日飲醉同喊,
不過依家已經唔再重要, 我依家就過得好好好好幸福既 =P
哈哈! 咁就證明佢走左寶喇 ...(嘩! 邊度黎既自信?? lol)

我唔知MR.Y 會唔會睇到呢篇野, 但我好想同MR.Y 講聲對唔住! 同埋多謝你!
重有就係...... 別來無恙嗎?

希望MR.Y 你亦過得幸福快樂 ! :)

-Close File -