話說前幾日我同班friend一齊玩「誰是傻瓜」，有個friend問左我一句野，我笑到仆街，完全不能自我，成班望住我笑。不過當佢地知道個friend問左我d咩，個個都笑到我咁樣。
唔知大家有冇玩過「誰是傻瓜」呢個遊戲。玩法就係一班人圍埋一個圈，一人抽一張紙，上面會寫一樣物件名，除左其中一張係唔同既，其他全部寫既都係同一樣野，抽到個張獨一無二既人就係傻瓜。之後，大家就輪流講紙上面寫個樣野既特質，大家要估下邊個係傻瓜，而傻瓜就唔可以比人發現佢係傻瓜。
事沿個日我就抽到張紙係寫「豬」既，我諗大家都係。咁我地就開講佢既特質。
「可以食既。」
「係快餐店搵到既的。」
「會呼吸既。」
「有毛的。」
「有4隻腳的。」
直到有人講左「有4隻腳既」，我旁邊既朋友好疑惑但細細聲咁問我：「雞有四隻腳既咩？」（佢係唯一一個抽到「雞」既傻瓜），之後我就笑到咩都講唔到。
佢見到我笑成咁，尷尬咁講左句「咩原來雞真係有4隻腳架，真係冇印象麻，sorry 囉！」
於是，我笑到瞓埋係地下。