很多人心入面都住了一個最佳損友。

中學時期既我擁有好多朋友，
但卻最不懂得珍惜朋友。

由細到大，我都係一個非常非常硬頸倔強既人，
尤其中學青春期，特別想要我行我素
所以有時同朋友有分歧，我都唔識得易地而處
兩個人各持己見，有時候就這樣失去了一些朋友。

「只期待後來的你能快樂，那就是後來的我最想的
後來的我們依然走著，只是不再並肩了
朝各自的人生追尋了。」《後來的我們・五月天》

別人聽到這首歌都是想起從前失去的戀人
我卻忽然想起一個很久很久很久沒聯絡的朋友。

中一那年，我的第一個好朋友
雖然我讀女校，但我都唔係果種約埋去廁所既女仔
我地各自擁有其他朋友，卻一直當對方好好好朋友
沒有孖公仔，沒有天天連在一起

但開心傷心我們都分享，陪她經歷過失戀再相戀再失戀
甚至有次她的另一半說分手了，她賴在另一半家裡
她的另一半打給我，是我走上去把她拉離開的

走過中五會考，經歷左好多野
到最後高中時期，我都忘了是因為什麼事
好像我跟一些她不喜歡的人混熟了
硬頸既我總係有種您愈迫我就愈反抗的性格
而剛好，她是個比我更更硬頸的人
互不相讓之下，我們愈走愈遠了。

依家諗番真係太天真太傻
真係一件好小好無聊既事，
如果有一個人肯放低硬頸溝通一下，其實不會落得如斯田地

我地有好多共同朋友，
所以間中我都會聽到佢既消息

有時我都會諗，不如搵番佢啦不如send個whatsapp
但最後我都沒有。
不是還有恨，只是，最可怕既唔係大家都變了
而係曾經既好朋友喺到噓寒問暖既陌生感，我好怕

偶然喺facebook見到您過得還好，就夠了
有時我都會諗，唔知佢係咪都一樣，一樣偶然會想到我
希望今日既您唔會再喺失戀時賴喺人屋企
希望您都活得好。 ;')

我記得中七畢業果一日，
佢用左首歌去代表我地既友情：

「生死之交當天不知罕有，到你變節了至覺未夠
多想一天彼此都不追究，相邀再次喝酒 待葡萄成熟透
但是命運入面每個邂逅，一起走到了某個路口
是敵與是友各自也沒有自由
位置變了　各有隊友」

好老套，但真係好貼切。

/

我的專頁：https://www.facebook.com/hkgirlfriend/