Hi，大家好。好耐無見！我好似好耐都無點寫文。
因為我患左嚴重嘅懶人拖延病。

呢個病無得醫ga。懶人再加上拖延症，簡直係天下無雙。
所以，最近我就好懶咁迎係張床度，咩野都唔做。想食就食，想訓就訓。

寫文呢樣野，又要諗，又要打字，又要執內容。真係好晒精神ga。所以呢，我就比左n個借口比自己去偷懶。其實呢，懶慣嘅人都好明白gala。想搵借口，其實好易ga炸。例如，訓多陣先啦、食埋呢餐先、沖埋個涼先、玩埋今日先…總之呢，就易過借火。

咁我嘅拖延症不嬲都好嚴重。例如呢，唔到功課交果一日，我都唔會做啦。又例如，考試前一日先去溫書啦。

咁於是，我就一路搵借口唔寫文啦，又一日拖一日。
哈哈。

呢個病呢，常見於 放暑假嘅人身上，無得醫。到開學前一兩日就會痊癒。
作為長期病患，我奉勸啲未做功課嘅小朋友…快啲去做功課啦！剩番半個月比你做功課炸！