「我就忙死啦！可唔可以唔好放工流流先哩開會呀！我想收工呀！」
我叫嵐紫，係一個時裝設計師，好聽就叫設計師，唔好聽就叫大打雜，有返工時間無收工時間，要記住，OT係無補水既，比人小媽媽係人工包既。
就係因為呢份無收工時間既工，所以我啱啱同拍左半年拖既男朋友分左手。
分手姐，又唔係死人，我得嗰23歲，怕咩呀！不過我要發洩囉！分手喎！好藉口！
雖然我自己住又大洗份糧又唔係多，但係我都可以去玩架嘛！喺lunch hour最好上網睇機票book酒店，睇下邊度平去邊啦，橫掂我份工儲落唔少Asia milies 可以換機票，聽日又星期六，整個三日兩夜行下啦。
台灣又坻又近，換機票又少分，好！今次就去台灣啦!
好彩我又因為呢份仆街工既關係，我係passport跟身既，所以我係訂左今晚機票走。hehe我訂左十一點幾機票，香港仔去香港站都係好快，我會9點前收工，跟住我既失戀happy Friday !
