「喂，你有冇睇過Come on James呀?」我問，佢話冇呀，我心入面好想同佢講，「你同Come on James 個女主角好似。」
我同佢係好姊妹，好朋友，你可以話我地冇嗌過交，我地入埋同一間小學，中學同班一年之後分開左，直到中三果年我地各自識左男仔，於是世界就只有男仔，傾嘅離不開男仔 。
大家都知初戀這回事是不能長久的，中四嘅我同男友分左手，佢同男友就keep得好好，但係我發現佢都有幾多怨言，抱怨佢男友對佢唔好，唔比佢同其他人傾計，包括暗戀我呢位朋友嘅男仔，暗戀佢嘅男仔每日都同佢傾天光,當每次嗌交嘅時候就靜係識得講句 「我覺得佢冇以前咁愛我，我想同佢分手。」
每次都係得呢句，講得多都厭，終於有「狼來了」的效果。我唔再信佢講呢句野。
後黎，佢覺得呢位男友太無用，無前途，而且因為一啲小事，分左手 。當時呢位朋友佢諗得好遠，但係我想講句，中學生愛情，有幾多個可以步入教堂，另一方面，佢亦好矛盾咁講，我覺得我地唔會長久囉… ，實在令聽嘅我好無言。
結果佢同暗戀佢嘅男仔一齊左，佢覺得人地樣樣都好過呀ex，錢多 細心 專一 ，優點好似宇宙啲星星咁多 。
我彷彿係佢愛情失意時嘅垃圾桶，所以我對佢坦白我嘅睇法，結果佢令我覺得佢只係一個被愛情沖昏頭腦嘅無知少女同埋未來嘅Come on James 女主角。
而且本來自以好成熟嘅佢，竟然話佢冇變，係我睇唔透佢。
拍拖唔係問題，但係唔好沉迷，諗長遠唔係唔好，但係唔好係讀書時期諗，接受左愛情，你換黎嘅係失去左成績，家人同朋友，值得嗎？呢一點我覺得佢同女主角唔同嘅地方，至少人地上進讀到大學。
我同呢位朋友就好似千與千尋嘅千尋同無面男，
若留心把整部電影再看一次，特別注意千尋的表情、動作、說話，不難發覺千尋的缺點挺多。她膽少怕事，不敢獨自一人留在車裡。
雖然千尋做事不成熟，不懂人情世故，但她心地善良，樂於肋人。透過工作，她不斷成長，勇氣大增。或許宮崎駿期望小孩子，一方面要保持童真，另一方面又要學會禮貌、懂得做事。
無臉男也暗喻著現代社會中的年輕人害怕寂寞，在現實中不斷需求慰藉、渴求著金錢和感情的現象。