我叫悠雲子,當然這只是個筆名,
我是一位中五生,面對Dse 壓力不少,
一些來自家人,一些來自學校,來自自己,
更多的是來自社會。
近年來香港不像以往一樣,就算成績不好,肯做就有人請,做每件事都講求學歷。

像我,成績不太好的這一群,入大學像個遙遠的夢。
為左Dse,好多學生都好努力,包括我都唔想父母失望。
另一方面,父母想我快啲讀完書離開香港,佢地都認為台灣暫時係最好選擇,香港好混亂。
只係,我內心會諗 香港人始終係香港人 有感情有歸屬感,但係,我都明白父母想我好 先想我走。
講返Dse,有時放左學,望見街上面一個個小學生,見到佢地幸福咁笑,會諗起自己小學果時 ,有一班好好嘅同學,一齊玩一齊笑 。
容許我有天真嘅想法,我明白人大左總要成長,而我想做一個小學生,起碼童言無忌 。
中學係個社會縮影,人心嘅複雜,實在很難熬 ,所以我係個係學校無朋友嘅人。可能這就是天真想法的後果。
即使如此 ,我還是想做個「中學生軀殼,小學生心靈」的人。
所以,悠雲子呢個名字,代表我其實好想悠閒放鬆下,好似白雲咁,無拘無束。
或者睇完呢篇文嘅你,會取笑我嘅想法,
但問心,我諗大家都只係外表長大左,內心總有一個位置,保留兒時夢。