曾經有一個老師同我講:「你出到黎社會就知架啦!」
你地可能都有聽過:
你地出到黎社會就知準時放工係bonus黎架啦!
你地出到黎社會就知讀書真係好重要架啦!
你出到黎社會就知責任感有幾重要架啦!

老師會用自己既閱歷去教導同提醒我地一d做人做事既野。個一刻你就會係到諗,佢地一定係社會經歷左d咩先有d咁既睇法,覺得自己應該要記住佢地既教誨。

但早兩星期,又有一個老師同我講:「你出到黎社會就明架啦!(點解我會偷懶)」竟然就咁顛覆左我以往聽到呢句話既經驗。
佢未教過我,因為佢黎個時我已經中學畢業,但我間唔中會仲返自己以前玩開既制服團體幫下手,而佢就係三個負責老師中既一個。

每年暑假,我地個制服團體都會攪一個三日兩夜既訓練營,籌備就係高年級籌備既,但入營都要有個老師睇住。而呢個女老師就要入黎睇住我地。
入營前既集會我見到佢,同佢打左聲招呼
「hi! Miss ,物你比水左跟我地入營呀!」
佢一面嫌棄樣話:「係囉!鬼叫3個老師之中得我一個冇家室咩!」
我打左個震,同佢講下笑姐,又咁認真應我,可能佢年紀算細,覺得同我呢個就畢業既大學生會岩傾。
佢繼續講:「其實平日佢地話制服團體要開會,我都話有野做,唔得閒咁避架啦!咁都,唉⋯」
我附和咁笑左笑,話:「係咩!」
佢應左我一句:「你出左黎社會就明架啦!」
我笑而不語。
我望住佢,心入面諗佢究竟係社會經歷左d咩令到佢個人咁自私呢?令佢竟然理直氣壯咁係我面前同我講我出到黎社會就知點解佢會卸膊,講到好似好正常咁。我諗我唔會明,就算我真係出左黎社會之後都係。
我只係登我班師弟妹可憐,佢地入一個好既課外活動,但就由呢個咁既老師去負責,攪任何活動都嫌麻煩。
為人師表⋯我真係笑左出黎