來不及說愛你，
你已經要離開。
這種不能『剖白』的痛你又會明白嗎？

生病的一天，
藥丸令我感到頭暈，
藥水令我充滿睡意，
迷迷糊糊的想起你，
病菌不斷擾亂我的思緒，
疲倦的身體與混亂的思緒只想得到你的慰問。

內心經過一番掙扎，
掙扎當中渴望自由，
令我更想釋放自己。

我打開電話很自然地按了８個數字，

想了三秒…
原來需要對方的時候會顯得自己很脆弱，
最後鼓起勇氣按了『撥號』，

『嘟…

他：『喂？』

我：『你得唔得閒講兩句？好想聽下你把聲…』

他：『做咩事呀？你把聲點解噉嘅？』

我：『我病左…』

他：『你男朋友有冇同你睇醫生呀？』

我：『冇男朋友陪我睇醫生啵，Facebook同我影相果個係我個好好朋友…』

他：『我同你去睇醫生好嗎？』

我：『你都唔係我男朋友，你點解要陪我呀？』

他：『朋友都可以陪你掛？』

我：『多謝你…你有心啦！我會自己去覆診！』

他：『唔講啦！我女朋友打比我呀！你好好照顧自己呀！』

我：『好，我唔阻你啦，bye bye!』

在電話中的我，
昧著良心忍著眼淚裝作堅強，
我不想令你擔心，
聽到你的聲音，
不知不覺間，
紓緩了我沉重的思念。

通話之前，
我是一直裝著不在乎，
但我仍傻傻地等著你，

希望有一天向你剖白。

原來你早已把我忘記，
曖昧認真原來會失真，
我們的關係正式完結。

當時我們錯過了剖白的機會，
我們沒有問清楚、了解清楚，
從而產生誤會真是避免不過，
最後緣和份在我們身邊漏走，
一切來得太遲了。

曾經我們走得多接近，
緣份靜靜地讓我們相聚 又分散。

『表達愛意要及時』

感謝讀者用了寶貴的幾分鐘進入此文章細閱
本人只想與讀者有所共鳴、共同成長

FACEBOOK 專頁: 自卑紀念碑
希望可以榮幸地得到你們的 『讚好』