難得我可以在公司忙裏抽閒，
正在想著今年日本之旅的行程…

突然我的電話鈴聲響起來：

『Hey！你下個月係咪去日本呀？
幫我買少少嘢呀？』
一個很久沒見的朋友在電話中興奮地問道。

『你要買啲咩呀？如果行程經過我可以幫你買！』我說。

我一向知道她是個購物狂，
估唔到我去日本旅行嘅消息竟然會流傳到她的耳中，只怪我太唔小心…

『幾盒龍角散、
幾包日本新出嗰隻吸水力超勁嘅M巾、
幾支DHC潤唇膏、
幾支日本蜜桃味美白牙膏、
一盒京都嘅抹茶粉、
仲有幾盒京都限定嘅宇治茶葉面膜…』
她雀躍地說著。

我就無奈地回應著：『嗯…嗯…』

『…係啦，就係咁多先！我到時影埋相比你睇，等你方便搵吖嘛！』她高興地說。

『噉你影定相，
再喺Whatsapp send個清單比我啦！
最好有埋鋪頭嘅地址，
如果唔係真係好難搵，我盡力幫你啦！』

我繼續無奈地答回。

『太好啦！我今年去咗韓國唔夠錢去日本玩呀！』她說。

『我盡力啦！我做嘢先啦，我哋再電聯啦！』我說。

掛掉電話，
我在想我究竟係去旅行定係做緊採購員?
畢竟一年３６５日中只有１５日大假，
才有機會給我離開一下香港，放鬆一下，
為何我要答應在僅僅幾日旅程中抽時間幫你買嘢呢？

加上，
『日本的M巾、牙膏、潤唇膏、龍角散、抹茶粉...香港真係冇得買？』

假設香港有這些產品，
價錢一定會比日本的價格高一點，
但你要知道貨品從日本運到香港，
運費實在是少不免的，
價格高一點是應該的。

雖然外地進口貨品價格較高，
但是你能夠隨時入貨，這不是更方便嗎？

我去旅行的原因是想放鬆一下，
暫避香港的繁忙的生活，
走到一個新奇有趣的地方，
體驗一下當地的風土人情。

我會到當地購買一些特別的紀念品，

我亦會購買手信給家人、同事和好朋友。
行李箱的用途是攜帶旅行時要用到的物品，
再加上自己在旅行當中的戰利品和手信，
現在為何要我在行李箱騰出空間放置幫你購物的物品呢？

你想朋友去旅行時幫你買嘢？
請你先諗一諗對方的感受，
換轉角度，
『你會想去旅行時四處幫人買嘢咩？』

後記：
最後我決定打電話給這位朋友，

『我想同你講，
我唔能夠幫你買哂你想要嘅嘢，
因為我個小型行李箱空間有限，
不如你講一兩樣有急切需要嘅嘢，
我盡力幫你買！真係唔好意思呀！』我說。

『嗯，噉唔好麻煩你！
我都可以搵朋友B幫手買！』她說。

『其實朋友B去旅行只會“孭”住背囊周圍去，
佢連手信都好少買返黎，
我哋都明白佢去旅行嘅目的係到當地攝影，
不如你上網搵下有冇團購或者網購有賣緊你需要嘅嘢啦！』我說

『係喎，可能香港都有得賣呢，我搵下先！』她笑著說。

『希望你能夠搵到啦！』我說。