這裡的男廁，共有五個廁格，其中最入的第四及第五格正關著門，並轉上使用中。

十二少：喂！我想今日講下地鐵又加價呢單野喎！

十三郎：什麼是地鐵？

十二少：即係港鐵呀！諗起呢個名就嬲！

十三郎：那你要說明一下，「地鐵」是什麼，別人才看得懂呢...

十二少：有冇咁煩呀... ...喂！唔好拉開話題先啦！你唔覺得佢每次一話加價就有故障既咩？

十三郎：証據？

十二少：你自己爬返往前d新聞咪知囉，我覺得真係天意！

十三郎：我只是知道，他們有沒有加價，也會時時發生故障，所以這不算是什麼天意。

十二少：... ...你又啱喎！

十三郎：今天我倒是想說一說我昨天發了的一個夢... ...

十二少：我呢個月都寫左「夢」既主題架啦！今日最後一篇添！唔好抄我橋好喎！

十三郎：那有抄你？「夢」的主題是老師給你的... ...

十二少：喂喂喂...講開抄，最近facebook咪出左一段英文，話叫人要睇字唔睇既？你有冇見過？

十三郎：有... ...

十二少：我真係想講，我幾年前已經係facebook同人講，唔好只係睇標題同睇相，應該睇下人地寫d咩，先叫睇文，呢d諗法我一早就做左啦！如果係你，你會唔會覺得好唔抵？

十三郎：... ...引用黃子華的棟篤笑來說，如果相對論不是由愛恩斯坦發表，是由劉德華發表，應該會係香港更加普及。

十二少：即係點呀？

十三郎：... ...你又不是宋仲基，為什麼要跟你的說話來支持你？

十二少：咁我個idea真係work架麻... ...不過都算，最少有人識得愛恩斯坦，宜家d人真係識我係柒頭皮呀？

十三郎：「柒頭皮」也算是一種名號，最怕是不知那人是「柒頭皮」。

十二少：名氣真係好重要... ...

十三郎：你剛剛又說idea才是重要！為什麼你一點也不堅持？

十二少：頂！都要搵錢買個兩餸飯食架！而家咁既收入，魚柳飽都買唔起呀！唔係洗鬼寫短篇講時事咩！又唔識寫愛情偉論，唔通同你兩個玩棟篤笑雙打咩！

十三郎：其實我們應該再開闊自己的寫作路線... ...

十二少：... ...我地已經好大工作量啦喎！可唔可以做好手頭上既野先呀？

十三郎：我想找一個女生來寫愛情短篇！

十二少：... ...一於咁話啦！

十三郎：那就叫十一妹來吧！

十二少：唔好諗啦，即刻call佢黎開會啦！

十三郎：... ...入男廁？

十二少：... ...咁... ...我地搵個到個新既會議室先再算... ...

不久，第四的廁格門被打開了，會議完畢，