《記得以前食譚仔，我會同女朋友交換啲餸。》

是咁的。

聽聞有人話揀女朋友要揀個同你食譚仔嘅……計我話，你都戇鳩鳩。

譚仔加餸，加五蚊。兩餸十蚊。嘢飲七蚊杯。可以加小食，有皮蛋，有雞翼，有啲土匪。你女友變埋土匪，一百蚊。譚仔平？喺譚仔畀人放題你試過未？我試過。

我真係試過。

我同女朋友由中學開始一齊。嗰陣譚仔無依家咁出名。LUNCH行過就會食。我哋望住張餐牌，嗰陣我好窮，唔敢加餸。女朋友家底好我好多，佢會加。有次唔對路，我哋都叫咗乍醬，佢問點解我咁多佢咁多。佢舉手叫侍應埋嚟，問係咪畢錯咗。侍應搖搖頭，「無畢錯，單併係咁。」

「雙併少過單併嫁？」

侍應點點頭，「係啊，單併係咁。」

「單併多啲嫁？」

「單併係咁。」

「咁點解要加五蚊？」

「無計，單併係咁。」

自此，我哋兩個都會叫單併，我負責叫乍醬，佢叫腩肉。

碗麵一嚟到，我哋就開始換餸，佢夾啲腩肉過嚟，我就放碗乍醬喺中間一齊食。食食吓我就食埋佢個人。

慢慢人大咗，佢會同我講經濟學理論，話咩咩marginal utility——食第四嚿腩肉會無食第一嚿腩肉咁開心，所以雙併份量無加到都要加錢。

「係咩？」我問。

「係啊。」佢答。

「但我都係覺得我嗌乍醬你嗌腩肉咁樣食開心啲喎。」

佢叫我食屎，唔理我，跟住佢問我食咩。我話要嗌腩肉乍醬三小、凍檸蜜少冰。佢要嗌雞肉豬肉小辣小米線、熱奶茶、蒜泥白肉、豬耳、土匪。

我望住佢食譚仔放題嘅笑容，我就知道……

我哋老喇。

————————————————————————
我係羊格
Sorry for 1999