回鄉的時候我就像個啞巴。

我鄉下喺潮洲，所有人都講潮洲話
每年都係農曆新年先會番去
爸媽溝通都係講流利既廣東話
於是我對潮洲話既認識都係比一般人多少少
隻胖囉～隻嗲囉～架gee冷～

所以每次番到去我都好似一個孤島。
我失去了溝通既能力
鄉下既人係唔會同您講普通話，

而佢地唔會理您明唔明，只會繼續對住您講潮洲話
就好似去到韓國，D阿豬媽會不停同您講韓文一樣。

我嫲嫲都係只識講潮洲話
所以佢過身之前 其實我都無真係同佢對話過

通常都係佢對住我起勢講一堆潮洲話
然後我無辦法說話，唔通我對番佢講廣東話咩
所以每次我既回應就只要笑到烚熟狗頭咁。
/
無啦啦講起鄉下，因為過去既五一又番咗鄉下

圖為我地鄉下著名既交通工具，我叫佢做潮洲篤篤。
每次搭我都好那驚，好似一撞就會反車咁

番到大陸我除左啞仲係怕死的廢柴
搭篤篤又驚，行出街又驚有人尼搶我個腎
食野我係唔會食D睇唔到佢原本形態既野咖
即係我見到原隻蝦原條菜我會食
但係果D聲稱係豬牛既串燒我唔敢食
聽講係老鼠肉。

總之每刻都提心吊膽
過關都驚畀公安捉左入去
再留多幾日隨時有焦慮症

最感動係玩到fb,ig睇到蘋果動丫嘛!

I LOVE HONG KONG! YEAH! 跳起

我的專頁：https://www.facebook.com/hkgirlfriend/