有種親戚好能煩。

話說尋晚我去咗一個親戚既婚宴
於是乎一次過見番哂好多我都唔知佢係邊個既親戚
不過有一個親戚我由細到大都好怕亦好憎。

我先叫佢做煩叔叔
以前細個比較肥，於是佢每次見到我
都會走過來摸下我塊臉然後喺一大班人面前
大聲地話：喂您要減肥啦喎。

您知唔知對於一個青春期少女畀人當眾話肥係幾尷尬
而且重點係佢都帶住個大肚腩。

好啦～往事如煙～到尋日見到佢終於無話我肥
就先暫時唔好同佢計舊時既恩怨

講番尋日啦，因為係婚宴嘛
於是煩叔叔一見到我地呢家人

就先攻擊我阿哥：喂幾時飲您果餐呀？
好老套。去婚禮係咪避唔到呢D老能套親戚
咁去喪禮可唔可以問「喂幾時到您....」

重點係佢唔會問我阿哥拍拖未
人地拖都未拍但佢已經直接問幾時結婚呀差唔多好結啦喎。
您會唔會去問個未結婚既人 「幾時生仔呀您高齡產婦啦喎」

然後就開始攻擊我
點呀？讀完大學啦？幾時讀埋個碩士呀？
於是我很禮貌表示唔啦我無興趣讀啦
佢就話：下依家讀到學士無用咖一定要讀埋碩士咖..（下刪一萬字）

好不幸我地坐埋同一張檯
而我媽更不幸坐咗喺佢兩公婆隔離

我全晚就聽到佢老婆不停同我媽講要養生
「女人唔養生唔得咖，拿您去煲啲乜乜乜乜飲.....」
講左一晚。
原來 您的老公如何，您也必定如何

對住呢類親戚，您完全無辦法用常理同佢地溝通
因為喺佢地眼中，您必須FOLLOW佢地認為正確既步伐
讀完學士讀碩士，搵份好工結婚生仔先係正途
話之您單身左廿年，總之夠鐘您就應該去結婚生仔

重點係佢地其實唔係真係關心您
佢地唔會問您工作開唔開心，拍拖穩唔穩定
只係滿足佢地發表偉論既自豪感 講完就拍拍屎忽走
然後幾年後再見。

喺佢地眼中，一個人既人生就只係講幾句咁簡單。

我的專頁：https://www.facebook.com/hkgirlfriend/