我諗我地大部分人都試過搖尾乞憐既單戀
花光心機都係想令喜歡的人開心
可是 傾盡心血最後 喜歡的人還是沒有喜歡您

過左幾年 您放低之後回頭睇
一定會嗌句「撞鬼囉！」當初點解甘鍾意呢條友？

是啦。年少無知會因為好多無聊野鍾意一個人
可能係覺得佢生得好靚
可能係佢壞壞地好有型
可能係佢打波好叻音樂好叻乜乜乜

我試過大學果陣有個男仔一野搶左我手中電腦
幫我拎住 就係呢下我鍾意左果個人
（當然前面同中間仲有好多虛寒問暖的關心啦）

然後果兩年就地獄般生活 畀佢呼之則來揮之則去

我只係住係精靈球入面既比卡超咋
每日都時刻睇住電話 等佢幾時召喚我出來嗌聲「比卡比卡」

回頭睇番我真係以為自己果兩年撞左野
小智佢又唔靚仔又唔係有才華又對我唔好
唉我仲以為有日佢會突然記得有隻比卡超先係對佢最好
當然～奇蹟無發生
小智繼續hea理比卡超，最後比卡超自己放下精靈球走了

到依家您問我 有無半點恨小智
我其實無。而且我同佢做左好普通既普通朋友
偶爾會有D交集，不過沒有恨也沒有愛
因為已經完全不在乎，所以沒有恨的必要

而且！我依家不知過得幾好呀

我恨不得話畀佢知，喂我當日撞鬼呀依家終於驅左魔啦恭喜恭喜
更加要多謝您啦，好彩您當日無動半點惻隱話同我一齊玩9我咋
如果唔係初戀浪費左係您身上我真係揼心口囉

可能您覺得我既說話好似帶點恨
可是我認為沒有。
我真心慶幸自己無同過一個不愛自己既人拍拖
何況如果當日有一齊 我今日都唔知可唔可以甘幸福

人生真係要愛上過幾個仆街
先識大

歌都有得唱：
全靠當天喜歡過錯的人 今天先會自我解窘

多謝哂啦喂！

祝所有仍活在精靈球既朋友快D逃離
然後我同您一齊打9小智！

我的專頁：https://www.facebook.com/hkgirlfriend/