呢支「煙」，唔知幾時開始畀班Friend廣泛使用。
但無論咩話題都好，只要呢支煙出現，就添加無盡嘅唏噓。
你講家庭問題，佢點支煙。
你講戀愛問題，佢亦點支煙。
你講星期一唔想返工，佢都係點支煙。
佢咩都冇講，但又好似已經答咗你。

係！佢表達嘅係一種無奈。
佢用一支煙去回答，唔係唔答，只係看透咗，
明白講都冇謂，因為好多嘢都係「整定」，所以要「硬食」。
或者，emoji入面嘅呢支煙都訴說緊唔同嘅故事，
個個故事都水蛇春咁長，但結論只得一個，
就係「人生嘅嘢，係咁架啦。」再唔係加多一句「大家都明。」
所以大家見到呢支煙，
多數會伴隨兩個字－「人生」。
想像一下，
一個人微笑苦笑，點起支煙，將尼古丁揮發出大海，再嘆一聲「唉」，
然後自嘲一句「人生……」
我諗所有問題，都即刻唔需要答案。

IG: cheungson88