話說尋日我同男朋友去左青衣戲棚
食左好多好西 食到肚滿腸肥
到今朝起身都仲好飽呀

於是今朝去辦大事既時候
都情不自禁好想同佢分享
好暢順呢～ ♪(´ε｀ ）

我男朋友對於我講屎尿屁已經見慣不怪
反正一開始就無扮女神既包袱

記得未一齊果陣我地半夜whatsapp

內容係大家係到分享細個有無賴屎等等
半夜講屎講到好興奮
然後一齊左之後我有次問佢點解鍾意我呀
佢有輕輕提過果個講屎既晚上
令佢好驚訝點解有個女仔未一齊已經甘噁心
我會解讀為佢一定係覺得我係不造作

以前細個對住鍾意既人 莫講話討論屎尿屁

連野都唔係好敢講呀 好怕講錯好怕人覺得自己沒趣
試過好多年唔敢表露真我
後來長大就有啲豁出去既態度
估唔到反而釣到個男朋友

而且呀我本來就不是不說話的女生
唔敢講野真係好抑壓呢
Any肥～姐姐依家咩都可以講真係爽
真噁心女生 飲醉！?

我的專頁：www.facebook.com/hkgirlfriend