我想談的是,現今中國吃人的情況。

中國江蘇常州外國語學校,一間係內地常州算係享負盛名既學校,

近日爆出近五百名學生患上皮膚炎,更甚者患上淋巴癌、白血病,

我望到新聞時當場呆哂,我隱約記得之前開咗個微博帳號,

咁我就自然登入睇下咩情況啦,當然一入到去,

幾萬個留言,唔好以為好多,比起其他話題,

已經算少,當中自然不乏鬧政府的,奇怪的是,

呢一次再無人幫政府講野(即係五毛),我翻一翻舊文,

原來件事一月就已經發生,只不過係當時無啦啦無左消息(大家知咩事啦?)

不過由於學生既家長算係有錢人,當然無咁易比件事就咁算啦,

所以最終紙包唔住火了,睇到有啲留言,話連呼吸都唔敢,

我當場忍唔住喊左出黎,究竟要惡劣成點,先至連呼吸都唔敢?

最重要既係,我無係Facebook見過任何一篇關於呢件事既報道,一 篇 都 無

連提都無提,之前毒疫苗又咁多人關注,真係事不關己就懶得理,

最重要既係傳媒都無乜點報道,靜過野比靜香,

咪玩啦,你估唔關你事啊?遲啲飲東江毒水唔好怨,

邊個叫香港人咁自私,得閒咪無病呻吟幾句囉,夠哂優越,

不過其實骨子裏咪又係口中所謂既中國人,扮三哥?

「當納粹追殺共產主義者

我保持沉默

——我不是共產主義者

當他們追殺社會民主主義者

我保持沉默

——我不是社會民主主義者

當他們追殺工會成員

我沒站出來說話

——我不是工會成員

當他們追殺猶太人

我保持沉默

——我不是猶太人

當他們要追殺我

再也沒有人為我說話了」——馬丁·尼莫拉

各位有機會一定要開個微博,搜尋「被污染的學校」,就會知道,有些事情正在醞釀中,需要時間發酵......