大家好我係瑪利奧。
今日要同大家講一個可歌可泣嘅愛情故事。
話說我喺城堡底下條渠嗰度潛伏咗好幾個月。間唔中偷睇吓Peach公主大小便之餘，順便整塞個廁所，等公主搵通渠佬借勢接近佢。有一日，就畀我發現公主畀壞人捉走咗。
當時我心諗，今次真係肥肥！若果我救到公主，話唔定佢會以身相許。靠自己雙手奮鬥，由一個水渠佬，搖身一變變成一個王子！
簡直係一個充滿獅子山精神嘅故事…
於是，我就展開咗拯救公主之旅。
唔知大家有冇覺得奇怪，點解我頂爆啲磚，會有金幣同蘑菇出現呢？如果有留意遊戲介紹小冊子就會知道，邪惡魔王庫巴，將蘑菇國國民全部變晒做磚頭同埋食人花…
無錯！我頂爆嘅…全部都係蘑菇國嘅國民黎！
想要贏得愛情，我覺得犧牲幾個國民唔算係啲咩囉～
所以，有啲磚頂極都有錢，有啲磚係死窮鬼。而跌紅色蘑菇…係因為國民身上有帶毒品。而紅色蘑菇其實係一種迷幻藥，令自己產生幻覺唔怕死。每次被敵人打一下，我就會清醒返。
經過連返激鬥，沿途披荊斬棘，上天下海，可謂困難重重。皇天不負有心人，最後我都將公主救咗出黎。救咗公主離開庫巴嘅城堡之後，就向佢自我介紹。
「Peach公主，我叫瑪利奧，係我救妳出黎…」
「哦，係咩。」
正當我想向公主示愛，公主突然好似截的士咁揮一揮手。隔咗一陣，眼前就出現架法拉利，坐喺上面嘅係王子…
望住公主坐上法拉利，頭也不回咁揚長而去，我只能夠大嗌。
「妳個八婆！不如唔好叫Peach啦！叫Bitchhhhhhhhhh啦！」
相大家終於明白，點解你哋玩緊嘅瑪利奧，從來無出現過王子。因為現實世界中，就算瑪利奧為情人，蜘蛛都去擋，為著摘星火山一個闖。但點都係跑唔贏法拉利…
一個水渠佬入屋整水渠，再同條女發生關係嘅情節。
只會喺AV出現。
ig：BlueGodZi
