今日落街食早餐，隔離個阿叔睇緊報紙。
大家都知道，阿叔嘅特質就係，你永遠唔會知，佢同緊邊個講嘢…
佢望一望報紙，就嘆息一句：「唉～又跳一個…讀書有冇咁大壓力啊？」然後，佢成餐都喺度睇緊馬經。
讀書壓力大，喺大人眼中，可能覺得「喂！返工壓力夠大啦！」
但有冇諗過，其實對於學生黎講，最大壓力來源，就係屋企人？
我記得細細個，我老豆做過兩樣，我成世人都覺得佢係英雄。
第一件，我當時讀緊小學三年級，住緊井字型屋村。
有日放工，佢手上面抱住隻貓…
佢話有人丟咗喺垃圾桶旁邊，有紙皮箱裝住…
當年屋村就係咁，放隻貓出街周圍走，隻貓搞大咗個肚返黎。
生咗幾隻貓仔，主人養到就養，養唔到就會擺出街，佢哋通常都唔會特登殺死啲貓。
而係擺出街，用個紙皮裝住，一副「你鍾意就拎返去養」嘅意味…
當啲貓畀人拎咗返屋企養大，又放佢周圍走，周圍生…
又多個紙箱，不停loop。
我老豆以前養過貓，第日放工買貓糧買貓沙…
於是，我哋全家人就雞手鴨腳咁養大咗隻貓。
當時，我覺得老豆咁樣救返條小生命，好有型。
第二件事，係我升咗上一間唔錯嘅中學，完全跟唔上進度。
但其他同學望落都好似好聰明咁，點解佢哋乜都識？！點解我聽唔明？！
第一年考試好差，但當年我鬼知乜嘢叫前途咩…最唔開心嘅原因，係畀同學笑蠢，畀老師冷嘲熱諷。
返到屋企，我喊到豬頭咁，老豆返到黎望住份卷…
「喊乜啫，又唔係考畀我睇，你對大個咗嘅自己負責咪得囉～」
到學期尾見家長，老師講到我將來一定會乞食咁…
我老豆一句：「我個仔乞食都唔關你事啦Miss。」
當時，我老豆個身影，簡直係同蝙蝠俠重疊咗。
無可否認，現今呢個社會，係會不斷畀壓力每個人。
返工係、讀書都係…
但只要屋企人企喺自己嗰邊，佢哋永遠係令人化解壓力嘅最大力量。
就好似當年嘅我一樣。返到學校幾唔開心都好。
起碼我返到屋企開心吖～
但如果連最親近嘅人都唔體諒，企喺社會嗰一邊。
所有壓力都會兜口兜面落返去個小朋友身上。
第二件事，係我升咗上一間唔錯嘅中學，完全跟唔上進度。
但其他同學望落都好似好聰明咁，點解佢哋乜都識？！點解我聽唔明？！
第一年考試好差，但當年我鬼知乜嘢叫前途咩…最唔開心嘅原因，係畀同學笑蠢，畀老師冷嘲熱諷。
返到屋企，我喊到豬頭咁，老豆返到黎望住份卷…
「喊乜啫，又唔係考畀我睇，你對大個咗嘅自己負責咪得囉～」
到學期尾見家長，老師講到我將來一定會乞食咁…
我老豆一句：「我個仔乞食都唔關你事啦Miss。」
當時，我老豆個身影，簡直係同蝙蝠俠重疊咗。
無可否認，現今呢個社會，係會不斷畀壓力每個人。
返工係、讀書都係…
但只要屋企人企喺自己嗰邊，佢哋永遠係令人化解壓力嘅最大力量。
就好似當年嘅我一樣。返到學校幾唔開心都好。
起碼我返到屋企開心吖～
但如果連最親近嘅人都唔體諒，企喺社會嗰一邊。
所有壓力都會兜口兜面落返去個小朋友身上。
最後好不負責任咁講。如果你讀緊書，有諗過輕生，覺得呢個世界無晒希望，又咁啱睇到呢篇文。
不如你試吓放任自己，狂睇動畫、漫畫、打機…
呢個世界仲有好多嘢值得你期待，唔一定係乜鬼嘢搵份好工、好有前途、買到樓先叫有意義…
屋企人唔畀，咪離家出走囉！
「嘩！咁搏？！」
係啊！因為你仲有優勢，就係年輕！
當你步入社會，有支出負擔，成為一個成年人時…
將會變成一個連「裸辭」都唔夠膽嘅廢中！
放任自己一次咁多，設法令自己開心一次咁多！
都千祈唔好放棄自己條命。
「逃避」仲有好多種方法，到你hea到連自己都睇唔起自己。再重新努力追返上黎囉！
有人話人生唔係短跑而係長跑，
我覺得，人生係好多次短跑。
輸咗一次，你仲有好多機會贏返！
ig：BlueGodZi
專頁：http://www.facebook.com/BlueGodZi
