一次外地公幹，需要出發到遙遠小島既我，懷着期待嘅心情出發，但呢一次公幹之後⋯我嘅人生徹底地蒙上陰影⋯⋯
喺呢度公幹嘅最後一日，我聽聞島上有一間古玩店好出名，我一入到嗰間古玩店，店內雖然有琳琅滿目嘅商品，但全部都吸引唔到我，唯獨是係嗰個擺喺玻璃櫥窗內的嬰兒公仔，有着一種莫大嘅吸引力，令我將佢帶返香港。
返到香港之後，我將呢個公仔安放咗喺客廳嘅正中間，每日我放工，一開門就會見到佢，一開始的確係有啲唔習慣但之後習慣咗就覺得冇乜嘢，直到有一晚⋯
嗰晚嘅12點，新聞報道有超級月亮嘅到來，果晚莫名其妙地有啲周身唔舒服嘅感覺，奇怪嘅係，好似每分鐘嗰隻喺客廳嘅公仔都好似喺度眨眼，或者係我太多疑，嗰晚我成晚都瞓唔着。忽然之間，我聽到一聲奇怪嘅巨響，呢一聲巨響好似係由我屋企嗰個小小嘅窗台傳出嚟，一望出去發現晾衫假上面全部有一個成身都係血嘅男人，男人虛弱咁樣向我講：「救⋯救我⋯我」一時之間反應唔切嘅我，準備出去客廳報警嘅時候，我發現呢個公仔好似唔同咗樣.........佢由普通嘅微笑變成一個喺度取笑緊我嘅笑容，嗰一刻我彷彿聽到佢嘅笑聲...係我咁徬徨無助嘅時候，我神推鬼擁咁樣望左過去我對面嘅大廈，對面有一個黑影，好似手持着一把槍....黑影手中嘅槍彷彿指住我，用無形嘅聲音話俾我聽下一個死者將會係我
