「喂，即刻除返低個口罩啦，等陣間少咗五千蚊，我哋點食飯呀？」母親向女兒說。

「唔使啦。」女兒護住漸變色的櫻花粉口罩：「啱啱生咗粒暗瘡呀，我要遮住佢。你哋感染到，返到嚟就自然傳到畀我啦。」

「說話就唔係咁講啦⋯⋯我哋野唔到嘅，咪要靠你囉，機率嘅嘢。」母親搖頭。

「咪煩啦，總之全部都唔好戴口罩，邊有人睇你個樣係點，你咁精神，係睇都睇啲病貓樣先啦。」父親伸手脫去女兒的口罩。

「我出發啦。」兒子完成梳洗，說。

「記得呀，喺海旁留耐啲，實有好多情侶喺嗰度攬頭攬頸打茄輪，你去問佢哋：可摸耳加入你哋？記得禮貌少少，人哋就肯㗎啦。」母親整理兒子身上的衣服。

「係囉係囉，又有新嘴錫，又有可能有五千蚊袋，實肯，禮貌啲。」父親附和。

「OKOK。估唔到終於可以獻出我嘅初吻啦⋯⋯」兒子害羞。

「死毒撚。」女兒嘲笑他：「你咁樣咪慢，我就當然係去各大餐廳食二手飯，望住佢哋食，再叫佢哋喂我食一啖。輕鬆解決三餐，又接觸到成間餐廳啲人。」

「我會話去叫雞快得多——」父親望向自家老婆：「嗱，我平時唔會㗎，只係為津貼而犧牲咋。你諗吓，隻雞一日裏面畀咁多人屌過嚟，我扑佢一次，多過你哋錫嚟錫去、食嚟食去啦。」

勞動市場的一雞幾味。

「吓，咁如果你去叫雞，我都要落樓下同啲阿伯跳舞囉，娜娜咪就係因為咁攞到五千蚊，我點都唔會執輸。」母親說。

「得啦，冇問題呀，最緊要人有事。」

四口之家的唯一願望：不求代代平安，但求袋袋平安。

女兒又講：「是但一個中，其實都發達，我哋賣口水都得，100mL，$1000，唔過分。」

「Fatfat。」

他們衷心感謝香港正苦，個個都是使用公共開支的鬼才。