有一晚,我約左兩個雖然有Keep住聯絡,但係差唔多成年冇見面既朋友出街食飯。

食飯既時候,我地不停甘交流關於溝女既野,於是乎,我係朋友既推薦底下,download左一個叫TXXXXR既交友APPS,我地仲輸賭,睇下邊個可以最快約女仔出街。

跟住落黎既幾日,我瘋狂甘用個APP睇女同埋 "LIKE" 女,當個APP通知我,話俾我知"配對成功" 既時候, 我心入面都會有一種莫名既興奮。

我無間斷甘用個APP同啲女傾計同嘗試問啲女攞電話,但一問啲女攞電話,我果句就會變左已讀不回,唉。

當我耐性用盡,想Del個APP之際,我聽到我個電話傳黎一聲"燈鄧",又"配對成功",

好,我俾多次機會個APP,我第N次禁入去個APP到,「我叫Selena啊,可唔可交換contact做個friend?,我好少上APP架」

哇屌,我見到呢句,我直情想喊啊,我單身左22年,從黎未試有女仔甘主動問我攞電話,我即刻用九秒九100米既速度俾左我電話佢,坐低望實個電話等佢Whatsapp我。

「Hi, 我係Selena阿,點稱呼阿?」, 我同佢各自以打字既方式甘做左一輪自我介紹之後,佢特然間Send左段錄音過黎「我平時會幫美容院去一啲大專院校做promote家」。

我一聽到佢把聲,我即刻充晒血,我意思係我塊面紅晒,佢把聲真係好溫柔、好好聽,跟住果晚,我同佢傾到凌晨兩點先訓。

之後,我同佢用Whatsapp佢一句、我一句,佢一段錄音、我一段錄音甘傾左成一個星期,佢又會分享佢去旅行食野同埋細細個既相俾我睇,

我真係好開心,因為我可以同一個女仔傾甘多計,我呢個星期同佢傾計既時間,仲多個我呢22年黎同其他女仔傾計既時間。