由LIKE變COIN呢樣嘢,聽落就好有著數。
「法定貨幣」嚟講,即係指港元、美元呢啲。
直到出現咗一種叫「比特幣」Bitcoin嘅「加密幣」(cryptocurrency),我先知道有另一樣係世界流通(排除部份唔接受嘅國家)。
而LikeCoin就係「加密幣」嘅一種,但比起「比特幣」,咁LikeCoin聽落好似好兒戲咁?
睇咗都唔覺得係法定貨幣。咁我係咩情況下知道呢樣嘢?
咪就係因為佢哋有錢派,我咪去輪米囉。

//… …合作網站可以免費獲得LikeCoin贈予用戶,而LikeCoin有了群眾發售時的初始值,且能自由於交易所跟法定貨幣兌換,是送出有市有價的貨幣,有別於網站慣常增送站內點數,因此有助合作網站開拓新用戶。… …//

簡單啲嚟講,我身為一個作者,如果用緊嘅平台係有稿費收,
就會收到LikeCoin,比起支票就好似真係差好遠咁,
但係平台因為可以免費獲得LikeCoin,於是佢哋就可以開放免費開放部份LikeCoin比用戶,
再回贈返比作者,等大家都可以心安理得去睇故事,
呢一點似乎睇落對作者嚟講,都幾有吸引力。

以宜家呢個時勢,網上寫故(唔係寫文章),你想有收入係好難,因為讀者唔想比錢。
但宜家有人比錢讀者,等佢地去入返去你個作品到,
成件事係咪都好理所當然先?
咁當然又有好多細節上嘅問題,即係咩叫LikeCoin?讀者同平台點買或者點免費攞到?

呢啲都唔係我呢個寫故事嘅作者,我甚至唔介意佢叫LikeCoin定FollowCoin(介紹呢啲工作唔係我去做,自己search LikeCoin)。

總之我就係想寫完個故事出嚟,有人會比返收入我,去將故事印書賣返去市場或者做其他製作。
所以我都幾支持呢件事,不過有幾多個平台會去做?佢地又會唔會唔分返比作者或者自己吞晒,

我就唔知,因為香港始終都係一個人食人嘅城市,有著數自己攞到盡,
因此我都想係啱啱起步嘅Like Coin到食到第一水甜頭。
只係唔知香港有無呢個時機?(當然我只係狹義咁睇緊網上寫作嘅空間)

雖然只係響網上寫作,只有一年多嘅日子,但我都開始係度諗,
到底香港係咪真係一個適合我去寫自己鍾意嘅故事嘅地方?
定係無論去到邊都好,我要面對嘅其實都只不過係一模一樣嘅「市場」?

我好怕自己試完一次,唔甘心又試多次,
又試完一次,輸咗之後又有人同你講:條路你唔應該咁行……
之後又試多次,又有人同你講:其實唔係唔WORK,只係差啲運氣……
最後真係心想唔攪,又會有人同你講:你早啲同我講,我前排都收緊故……

聽落好多都係黑仔無運行,但其實都只係客套嘅說話,
但最差嘅情況其實係,你做完以上嘅動作,
原來一直都無人知道你係網上寫嘢,
無人見過聽過你個名、甚至你嘅作品名都無係業界出人事眼中現過,
即係話你想人知你有做寫作,

但攪咗一年幾,係無人知道有你嘅存在。
呢一點先係最可悲!

所以點都好,就算LikeCoin真係會多咗人用,
甚至世界性普及都好,如果整個社會都唔覺得,
作者、特別係我呢種想作品自食奇力嘅作者,
得唔到大家嘅支持,我講咩都係無意義。

請多多支持!
課金此路,打賞有道,分享同好,善有善報!

更多LikeCoin的資訊:
https://likecoin.foundation

作者故事作品:
https://ttmmmrc.wordpress.com/
《叛神軍團》(包括免費賞閱部份的付費作品)
《音樂漫遊─ Slow Music》(含視覺小說版本)
《DSE幻想校園》(預計2018年3月出版發售)
《筆示驅魔傳》(含視覺小說版本)
《格子控的執著》(包括免費賞閱部份的付費作品)