我真係好想知道，黃子華拍一蚊雞保鏢嘅時候，到底有咩感覺⋯⋯

為咗想做好自己想做嘅嘢，到底要付出幾多？要用幾多努力去做先做到？或者要失去幾多嘢先可以換到一樣微不足道嘅滿足感？

或者我真係太倦⋯⋯

我既配合唔到呢個世界、呢個世亦都配合唔到我，更重要嘅係我好清楚明白呢個係咩世界，我好諒解呢個世界嘅唔公平同荒謬，但點解呢世界唔可以體諒返我嘅執著？

就連想休息一下都覺得好似浪費緊時間，我仲有幾多日子可以衝？

生日對我嚟講，就好似一個倒數嘅計時器，開心嘅係呢個世界有人會為我慶祝生日，唔開嘅係，我自己都唔知為咩要去慶祝生日⋯⋯

明明應該開心嘅日子，我就最唔想笑；

明明最多人願意關心自己嘅時候，偏偏最想拒絕所有好意。

因為我掌握唔到自己嘅命運⋯⋯

我幫唔到自己完成想做嘅事，或者可能我對自己嘅要求太高、太多，但呢個世何嘗又唔係對我要求太高、太多？

好似之前咁講，我明白呢個世界嘅艱難，但世界又點解對我咁苛刻？

我唔想去抱怨呢個世界，但呢個世界可唔可比到啲希望？話比我知係Work架？

今次無故事嘅空間，只可以直接發放負能量⋯⋯