唔知大家有冇去到Coffee Pacific ?我係到就見到好多人換杯... ...

大家真係咁需要一個咁嘅杯咩？

可能作為一啲Fans，Bucks Star嘅櫻花杯都炒得幾好下，

個問題就係，你屋企有幾多個位放杯？

當我以為掌握咗個問題嘅重點之後，先發現呢個係out哂嘅問題。

鍾意一樣嘢，你係唔會介意有無位放，即係好似你女朋友屋企啲鞋咁... ...

衫同袋都已經唔係一回事，(可能鞋都已經係out咗，唔知宜家女士有咩新習慣？)

我見到啲人係一班班咁去買嘢飲，之後就好開心就攞杯... ...呢隻杯咩料？

環保金屬飲管呀？宜家夏天就話爽即，你試下用嚟熱咖啡呀？

何況你真係支持環保嘅，望清楚你自己張枱先啦... ...

有幾多杯係用嚟插花養蚊封塵... ...

不過我都明，因為好多時都係贈品、紀念品、生日禮物、特別版... ...

其實無一隻係可以用嚟飲水... ...

無辦法，呢啲叫做生活趣味，要有多啲呢類嘢，用嚟增加自己嘅生活上色彩，

又或者可以Lunch時同人吹水都有個話題，

咁先係人生。

其實我唔係抱怨緊咩人或者咩杯，

講咗一段嘢，大家其實我都唔知自己想講咩，

好似有point但無結論，

因為我係一個好唔理性嘅情況下去寫呢篇放。

同時有啲好唔理性嘅係人我面前放底咗呢隻杯... ...

於是我就問自己，

「比著係我要隻杯嚟做咩鬼嘢好呢？」

我只係想了解下，呢一隻杯除咗入嘢之外，有無咩其實新奇有趣又有意思嘅玩法？

集思廣益一下... ...

(我會繼續寫本新書，但唔會包括呢段嘢。)