每一個打工仔每一日都係過著朝九晚五嘅生活 而住長洲嘅我 每一日都要來來回回咁坐船返屋企 週不時喺新渡輪上面 望出去茫茫嘅大海 就可以見到金碧輝煌嘅海面 喺紅紅黃黃嘅陽光嘅映襯下 個海好似黃金一樣金光閃閃 而再加上慢船喺呢個海面上航行時淺出嘅浪花 足以令人回頭觀賞 呢一個大自然嘅油畫.

望住個太陽 慢慢咁喺北大嶼山嘅山頂緩緩落下 呢個時候 我回想到細個嘅時候係幾咁開心幾咁天真 諗番起細個嘅時候 每一次踩完單車 都會去士多 買啲零食 然後坐喺東灣嘅大石上面 睇住個又大又圓嘅太陽 但可惜嘅係時光總係過得特別快 轉眼間就成年了 眨下眼 大船就埋岸了 人群慢慢咁向集合閘口走出⁠⁠⁠⁠ 閘門亦都慢慢地打開
人群亦都各自散去 太陽的落下 不帶一片雲彩 也不帶一片唏噓...