好想好想POST相，
不過真係唔想踩不同嘅女性，
除非佢地嘅職業就係為咗比人踩... ...

|唉... ...TVB嘅港姐... ...又成功咁曝光了！

嘩眾取寵其實真係可以好成功，
只要有呢班唔介意做一次性嘅棄卒。

TVB同傳媒嘅關係，
本來就係要搵TVB嘅衰嘢嚟爆，
宜家唔好煩啦，我比啲衰嘢你爆，
你有點擊率之餘，我又有人關注，
雙贏，反正真係出街嘅都唔會係呢班，
最多我特別搵班極品返嚟比你哋影啦！

搵個男人嚟選，夠哂搶啦掛，
原本無人睇，無人講，
但係大家習慣睇重口味，

宜家唔哂一個星期，全港都知TVB就嚟選港姐啦！

大報大雜誌唔報無所謂，
十個FANS PAGE一齊SHARE，你作為一個小FANS PAGE，
唔係唔跟「大隊」呀？

即係好似傳銷咁，多啲人SHARE，你咪可以飲到二啖湯囉。
之後SAHRE個啲咪好似幫你宣傳緊咁，
又唔洗你去EDIT，又可以去呃LIKE，
雖然有無效果都唔重要，
反正搞PAGE嘅，十個有九個都POST到無嘢好POST，
話知你本身係文青定廢青，SHARE咗先算。
真係咩都唔重要，最重要係出唔出到自己個名，
呢嘢真係好反感，不過呢一點係好個人。
可能因為出版社有咁提過，叫我有名氣先好搵佢地出書。

出書唔係為咗寫嘢好睇(其實單單呢一點都好難定義)，

而係要大家識唔識你，如果人地識我而唔係因為寫故，
我做咩要出書呢？
(又離咗題... ...回來。)

唉... ...其實真係睇到都覺得有啲倦... ...
但你又唔可以唔留係呢個平台/網絡(即係FB)到生存，
始終呢到都係最有機會同呢個世界接觸嘅地方，
但聚集到人數，製造咗個熱潮，
唔通唔賺錢咩？

最可惜嘅係就呢種熱潮，開始衍生咗啲買LIKE嘅生意，
咁我都唔知你哋為咗啲咩去攪FANS PAGE，
或者可能有水喉啦，
公司唔想用自己公司名去做宣傳(好似TVB咁)，
但就係呢類作業產生咗之後，
又抹殺咗一個比業餘人士嘅發佈空間。