我嘅「一見鍾情戒指」終於研發成功，啟動戒指，對視一秒鐘，對方就會馬上墮入情網。
作為一個宅男科學家，我第一時間梗係搵女神。我喺IG睇中咗個女神，機會終於黎啦！
女神答：「我屋企唔畀我出街。」
大姐妳都成三十歲，呢個藉口有無爛啲，
我講盡好說話，佢都唔肯見我，唔出街，就用唔到隻戒指，我又唔知佢住邊......
首戰失利，第二朝落街食早餐，我都無乜心機。
點知就見到個靚女！我頓時精神晒，一戒在手，天下我有！
我即刻坐去個靚女前面，未等佢開口，我就啟動咗隻戒指。
佢眼中嘅疑惑即刻變成愛慕：「靚仔，我叫Rebecca。」
咁大個仔第一次俾人叫靚仔！不過我夠鐘番工，同Rebecca交換電話，我就走咗，反正佢都走唔甩。
我喺公司同Rebecca Whatsapp咗半日，你儂我儂，感情進展神速，
下午我打鐵趁熱，約佢今晚食飯。
Rebecca無覆，之前佢一直秒回架，點解兩個鐘都唔覆嘅？唔通隻戒指出咗問題？
我拎住部電話，失魂落魄。
「喂，唔使做啊？」講野嘅係我頂頭上司，眉姐，亦係老闆個獨生女。
我無心機應酬佢，佢就係咁單單打打，我轉身望下佢，
咦，其實眉姐都算樣靚身材正，不過眼角太高，一直都無男朋友。
我既想試下隻戒指有無效，又有啲報復心理，就啟動咗隻戒指。
我拎住部電話，失魂落魄。
「喂，唔使做啊？」講野嘅係我頂頭上司，眉姐，亦係老闆個獨生女。
我無心機應酬佢，佢就係咁單單打打，我轉身望下佢，
咦，其實眉姐都算樣靚身材正，不過眼角太高，一直都無男朋友。
我既想試下隻戒指有無效，又有啲報復心理，就啟動咗隻戒指。
眉姐呆一呆：「入黎我辦公室傾下。」
一入到去，眉姐就問：「你肯唔肯做我老公？」咁單刀直入嘅，連「男朋友」都skip埋。
諗深一層，我由無女朋友，變咗有老婆，仲要係富二代，咁我仲可以繼承埋佢老豆副身家，點諗都無蝕底。
於是，我好深情咁點頭。
眉姐好霸氣：「好，我地訂婚先，一年後結婚。錢，包係我身上。」
過幾日，佢畀咗個信封我，我心中狂喜，實係附屬卡，有個有錢老婆真係好。
點知打開個信封，係一疊紙。
「我幫你安排好晒行程，有餐桌禮儀班、衣著搭配班、MBA......」眉姐數完一輪，再加多句：「一年內，你會成為最完美嘅老公。放心，錢我幫你畀晒。」
喂，我想像嘅「畀錢」，係畀錢我花天酒地，唔係報埋啲乜鬼班。
不過眉姐又畀個甜頭我：「你租緊屋住？下星期你搬去我度啦。」
眉姐係住豪宅嘅，好，睇在豪宅美女份上，我忍你。
我乖乖地番進修班，日日攰到頭暈眼花，溝女都無力。
「我幫你安排好晒行程，有餐桌禮儀班、衣著搭配班、MBA......」眉姐數完一輪，再加多句：「一年內，你會成為最完美嘅老公。放心，錢我幫你畀晒。」
喂，我想像嘅「畀錢」，係畀錢我花天酒地，唔係報埋啲乜鬼班。
不過眉姐又畀個甜頭我：「你租緊屋住？下星期你搬去我度啦。」
眉姐係住豪宅嘅，好，睇在豪宅美女份上，我忍你。
我乖乖地番進修班，日日攰到頭暈眼花，溝女都無力。
終於搬入豪宅，間屋真係好靚，眉姐仲配咗個管家跟住我。
聽落好高貴，但所謂「跟住」，真係去到邊都跟，連去廁所，個管家都跟埋入黎，檢查我有無打尿震。
佢嘅說法係：「我地嘅姑爺，一定要係最高貴、最無可挑剔嘅。」
我明啦，眉姐想搵個無可挑剔嘅老公，但佢又（被逼）愛上咗我，所以佢要將我變成無可挑剔。
捱咗一個月，我連眉姐隻手都無拖過......如果唔計佢捉住我學跳舞。
