「歡迎光臨投胎中心，兩位嘅善惡值都係中上，可以選擇呢個範圍嘅投胎目標。」
太好啦，原來投胎都有得揀。
我即刻問：「有無得揀，下世再同我老公做夫妻？」
我捉住老公隻手，我同老公一齊車禍身亡，本來以為緣盡於此，估唔到可以一齊投胎。
職員點頭：「我地有『夫妻投胎套餐』，只要雙方簽紙同意，就會扣除少少善惡值，下世可能無咁富裕，但會連住紅線，再做一世夫妻。」
我正諗住簽紙，隔離櫃檯突然傳來一聲大喝：
「有無搞錯？果個女人畀綠帽我戴，佢善惡值居然係上中，可以投個好胎？」
我望過去，見到一個聲嘶力竭嘅男人。
經理走出黎：「先生你冷靜啲，果位女士雖然有感情缺失，但佢做無國界醫生，仲成立基金，救咗好多貧困地區嘅小朋友。」
男人大叫：「咁佢一腳踏兩船，就完全無罪？」
經理冷冰冰咁解釋：「扣除過失後，功德值依然好高。你一個人嘅感情傷害，點抵得過咁多人條命？」
個男人就黎喊：「咁我呢？我安份守己，無做過壞事，點解得中中？」
「你係無做過壞事，但都無做過咩好事，中中唔係好適合你咩？」
男人大叫：「咁佢一腳踏兩船，就完全無罪？」
經理冷冰冰咁解釋：「扣除過失後，功德值依然好高。你一個人嘅感情傷害，點抵得過咁多人條命？」
個男人就黎喊：「咁我呢？我安份守己，無做過壞事，點解得中中？」
「你係無做過壞事，但都無做過咩好事，中中唔係好適合你咩？」
然後，個男人就被保安拖走咗。
服務我果個職員嘆氣：「人總係會將自己嘅感受放到最大。」
唏，我先唔關心啲宇宙大道理，最緊要有得同老公再續前緣。
我催一催，職員即刻拎份「來世夫妻合約」出黎，我即刻撲上去簽名。
「老公，到你簽。」
我老公突然支支吾吾：「其實呢，我都想你留番啲善惡值，下世過得開心啲。」
我好驚訝：「點會？我同你一齊先會開心。」
「但我唔係呢。」老公細細聲講咗句，我懷疑我聽錯，即刻問：「你唔想簽？」
「唔係唔想，只係......」老公無計可施，突然大喝一聲：「好啦我真係唔想。」
「老公，到你簽。」
我老公突然支支吾吾：「其實呢，我都想你留番啲善惡值，下世過得開心啲。」
我好驚訝：「點會？我同你一齊先會開心。」
「但我唔係呢。」老公細細聲講咗句，我懷疑我聽錯，即刻問：「你唔想簽？」
「唔係唔想，只係......」老公無計可施，突然大喝一聲：「好啦我真係唔想。」
我老公唔想同我再做夫妻？佢唔愛我？果一下，猶如五雷轟頂。
我淚流滿面：「你話過要愛我一生一世，你居然反悔？」
職員插嘴：「提醒一下，兩位已經死咗，一世完咗，我地討論緊下一世。」
