細細個覺得寫故仔既人好勁，唔係文筆好，亦到唔係佢地寫左好多野，而係佢地可以諗到咁多野出黎。
以前我會覺得佢地生活多姿多彩，但個問題係，如果人生咁多姿多彩，仲邊有時間去寫咁多野？
咪話我話呀，根本就係佢地太多時間去鑽研一個個既故仔，正所謂一個好既故仔要好睇，唔係靠個作者本身寫作基礎，而係個故仔內容夠豐富同劇情夠緊湊，所以話如果個作者本身係唔得閒諗故仔，點會咁好睇？
一個多野做既人，本身就唔會無朋友，因為多朋友，所以多野做。你唔會比自己一個人做野做成日掛，就算係呀，持續一個星期...一個月....一年，咪玩啦，一年唔見人，只係做自己野，咁會死架。
所以如果唔孤獨，你點會一直諗自己個世界，你地又會問，點解作者一定要係主角？
其實有好多故仔個主角既藍圖就係作者自己本身，所以不斷諗故仔，某程度上都係活係自己個世界。
例如多啦A夢既大雄，作者本身就講話大雄既角色係照自己咁去素造，又或者九把刀既那些年，仲講到明大部分既角色都係中學時間既真實角色，所以話好多故仔都係用作者本身做藍圖去做主角出黎。
咁寫故仔既人係咪成日諗自己既故仔，如果唔係孤獨又點解釋佢成日活係自己個世界度？
