【關於婚姻】
年紀開始長大，身邊朋友開始會談及婚姻
而令我驚訝既係，近年聽左好多人話唔想結婚
佢地會話「結婚都會離婚啦」或者「一張紙其實唔代表咩」
又或者係現代人既婚姻已經同買樓掛左勾
所以無能力上車既人，根本唔敢想像婚姻

以前細個會話大個想同喜歡既男同學結婚
會話想幾歲結婚 想去邊到結婚 個婚禮要點點點
但長大以後，大家好似反而不再憧憬婚姻
咁究竟係因為人大了，看過太多失敗的婚姻
還是婚姻本來就沒有什麼意義

我都親眼見過好多失敗既婚姻
唔只係離婚，比離婚更可怕既係結婚三十年相對無言
而且還要一起揹著這樣的婚姻多幾十年

但正正因為看過很多失敗的婚姻，
反而更加想自己可以建築一段不同的婚姻

婚姻的確不是保證書
現實生活不是童話故事，唔係結左婚就happily ever after

不過有好多野唔係因為睇到會有好結局先去做
生仔都唔包個仔孝順
努力搵好多錢下分鐘可能出街畀車車死
成世做好人都唔代表臨尾果幾年您會老得安安落落
我地永遠都唔知道結局係咪幸福快樂
就係因為知道會有崩壞既可能，所以先要更努力
　
我相信沒有不用努力就能得到的美滿婚姻
「幸福沒有捷徑 只有經營」

對我來說，婚姻係人生既另一階段
人生到了某個階段就需要有屬於自己既家庭

同時也是把愛情昇華到另一階段
亦係種對自己生命 對對方生命的承擔
承諾疾病貧窮不離不棄承諾要走一輩子

我知，您都係會話，承諾完有幾多人做到
但至少講果刻您同對方都確信 對方就是幸福的結局
於是您地願意盡力去嘗試揹起對方的生命
願意為對方承擔這樣大的責任，
有勇氣去講「我願意」已經是對伴侶的最大意義
　
我唔係想說服任何人去相信婚姻
只是想說 沒意義的不是婚姻本身
是您如何定義和看待婚姻 和您找了個怎看待婚姻的人

「您要相信，相信我們會像童話故事裡，
幸福和快樂是結局。」

/

我的專頁：https://www.facebook.com/hkgirlfriend/