【致：今天連續被玩兩次facebook的同事】

我公司同事有個好差既習慣
一見到身邊既同事唔記得logout Facebook
就會狗衝過去玩佢facebook!

一開始都只係幫佢改個希伯來文泰文等等
改完果個人去到邊部電腦login都係變哂語言
想搵番個'setting' '語言'都是一項挑戰

後來開始幫同事轉profile pic/cover photo
有時趕時間就搵張同果個同事似既卡通/明星
例如我有個同事有次剪左高傲個頭，
佢profile pic三日唔埋兩日就變左高傲張相。

得閒既時候大家會PS圖片
例如我有個同事支持威爾斯就得到十幾個有自己樣既球員照

到後來又開始幫同事亂出post
有個同事辭左職但電腦無登出facebook
於是佢走左之後每日佢facebook都有人代打認真膠文
又或者幫同事亂召喚PS大神
令到佢既朋友都幫佢啲相周圍P，笑左一個下午。
又或者今日有同事被P成小智，推出新遊戲BokemonGo!

總之，一時疏忽您就會引發到身邊同事既無限創意
好幸運我最誇張果次只係有人幫我出post話我要結婚

然後真係有朋友私下whatsapp問我......
(太無創意太低質了)

不過！有同事會玩您facebook其實證明您人緣好

點解？因為有時我經過見到有同事無logout都唔會玩
一來可能因為佢位高權重我玩唔起
二來有啲真係放喺您面前您都無興趣玩
可能係因為同佢未夠熟，又可能係玩左佢佢會好煩
又可能係您根本對佢提不起勁，玩都廢事。

所以如果有人會玩您facebook
起碼證明喺佢眼中您係個開得玩笑又熟悉既好同事。

希望大家繼續疏忽，不要logout！

/
我的專頁：https://www.facebook.com/hkgirlfriend/