【自從出來工作之後，我就討厭打風。】

以前讀書既時候，颱風就代表假期
就代表停課可以拍拍屎忽留喺屋企玩玩玩
所以打風對學生來說，就係自由咁簡單

但出來工作之後，就明白颱風其實唔係咁簡單。

因為開始知道，其實好多人同動物係無瓦遮頭
因為開始知道，其實好多人都要冒險繼續番工
因為開始知道，其實好多人會因為咁無得飛
因為開始知道，其實打風，好麻煩。

開始工作之後，

因為我既工作行業，打風就更加需要番工
即使今次我幸運可以番屋企，但好多同事都要通宵工作

香港既打工仔，遇上颱風一啲都唔得閒
如果番番下工忽然打風，
就要有心理準備同全香港既人一齊迫住番屋企
如果朝早起身打緊風
唔再好似讀書時，一句停課就可以全日無憂無慮放個假

因為一旦落左波，就要兩個鐘內趕番工

打風除左無車搭的士都要貴幾十倍
仲要橫風橫雨，同好多人迫迫迫，
本身計劃好既節目要取消，工作要拖延
阿媽又話買唔到餸，菜都好貴，搞到無啖好食
好多野做唔到，而今晚我都只係擔心聽日點番工..

長大了，就知道打風唔再係咁簡單。
當您仲好熱衷於打風，證明您一係好年輕
一係您好幸福唔洗同一般打工仔奔波

/

我的專頁：https://www.facebook.com/hkgirlfriend/
ig: hkgirlfriend