唔知大家點定義「初戀」呢?
有人話「初戀」既定義係第一次同人曖昧、拍拖。有人話「初戀」係第一次暗戀對方。
但係無論點定義，「初戀」首要條件就係第一次。我諗每個人初戀既時候，大家一定好認真、真心對待個段感情。所以初戀亦都俾人認為係一份純潔無瑕、單純既戀情。
唔知大家個份初戀係點開始既呢?告白...?行動...?唔知你仲記唔記得你同佢之間既回憶?
佢每一次問好都令你小鹿亂撞，你想開口講野但係又唔知講咩，最後大家陷入左段尷尬、無聲既時間。但係最後總會有個人先踏出第一步，慢慢地大家毫無顧忌咁傾計。
每次見面既時候，你都會不由自主想望過去，即使只有一秒，甚至係半秒，你都只想望下佢一眼。當你同佢咁啱對望住，佢微微一笑就已經令你觸電、臉紅。
當佢要離開你身邊既時候，你臉上依然都係個個笑容，但係心入面卻係一陣陣既刺痛，個種難離難捨既感覺令人難忘，你好想對佢講「唔好走，留係我身邊。」但係呢句說話每次只係去到嘴邊，而唔夠膽講。
有時你會想像你同佢一齊既時光，你好想現實好似想像既一樣咁美好，你想佢開口同你講聲「我愛你」。你好想同佢講清楚，但係一見到佢你就變得好緊張，唔知講咩好。
無論大家既「初戀」結局係好定壞，但係初戀個陣既每一件事，每一句說話，甚至係一個細微既舉動你都會記得。因為...呢個就係「初戀」。任何人既「初戀」都無法替代，與其糾結無法改變既過去，倒不如帶住笑容迎接將來。
