C朗，就算冇睇波既相信都對佢略知一二，高大，靚仔，好波，家財萬貫，擺明係人生勝利組，係咪？
今日，係歐國盃決賽，對C朗黎講，呢場波既意義除左勝利果份喜悦，亦係一種肯定，即使佢贏盡所有，同球王既距離始終差一步，就係國家隊既大賽冠軍。
我係C朗既球迷，我尊敬佢，吾係只係因為佢既外表，腳法，球技，而係佢對勝利既果份執着，對成為最好而迫使自己不斷前進既果份毅力，由骨瘦如柴，只係識得原地插花，球技華而不實既黃毛小子，到而家滿身肌肉，無論係球會定國家隊都獨當一面既超級球星，佢所付出既努力，我相信冇人會否定佢。
12年前又係歐國盃，初出矛蘆既C朗係決賽被希臘擊敗，C朗淚灑球場既相片我相信有睇波既朋友都見過 。
去到今日，又係歐國盃決賽，千幸萬苦行到黎呢一步，佢由黃毛小子成為戴住隊長臂章，葡萄牙既靈魂人物，努力咗12年，終於行到黎呢一步，除咗係為祖國拿下大賽錦標，亦係令自己更進一步由球會到國家隊都有大賽錦標既成為球王既機會。
然而24分鐘法國球員皮野既侵犯，令C朗左腳傷患復發，第一次檢查我見到佢眼帶淚光嚇死我，但係支持左兩分鐘，都係撐吾住，親手向領隊示意換人，親手張隊長臂章交比蘭尼...以遺憾方式告別呢屆歐國盃，亦都可能係最後一場歐國盃決賽...
作為佢既球迷，我相信除咗我你哋其實佢左腳既傷患一直都未完全好番，印象中由2014世界盃起一直到而家，兩個月前既歐聯決賽佢係進功方面乏善可陳既表現已經知佢根本未好番。
你可以話佢貪功，死都要擺住黎踼，但係作為佢既球迷，我明白佢果份執着，果場歐聯決賽無可否認佢既表現完全係水準之下，但係佢防守方面既貢獻係功不可末，你有幾何會見C朗番後場搶波？
C朗對勝利果份渴望，一直無減退過，即使家財萬貫，贏盡一切佢都冇鬆懈過，但係今日，佢真係吾可以再搏鬥，佢係歐國盃決賽又再流下眼淚，除咗悲傷，失落，仲有一份吾服氣，以佢既性格，當隊友係場上努力，而自己卻無能為力，果種感受非筆墨能形容...
付出所有，得吾到自己預期既結果，即使悲慘，你起碼對得住自己。
同樣想付出所有，去到最後一步卻發現自己已經力不從心，功虧一簣，可以點？