咖啡從小就飲，
細個有三合一就開心，冇乜特別要求！
因為一星期七日，有五日都係喺同一座建築物，冇得出去，有三合一飲就算啦！
一星期五日都係喺同一座建築物，係唔係坐監呢? 好似係！
當然我唔係犯法！純粹讀寄宿學校！
番學同瞓覺用鐵片作分界！行過鐵片就係學校/宿舍！
就係一條舍規，不準擅自外出，所以五日就喺同一個地方！
當時好熟舍規，因為成日要罰抄！
冇得出去，要飲咖啡就飲三合一啦！
之後先知道三合一係唔好飲！
大鄉里Sosad!
細個個個星期都要做物理治療，
有一次物理治療師超好人，帶左一個玻璃樽比我，
原來係7仔版嘅Starbucks!
有試過嘅就知道係乜！
發現新大陸，原來呢個世界唔係只係得三合一！

印象中玻璃樽Starbucks已經絕種！

升中學時，有一段時間要做手術，
休學一段時間，行都行唔到！
脫離輪椅後，做嘅第一件事就係同一個朋友去Starbucks，
坦白講我係從未去過嘅！
第一盃飲嘅係Cappuccino！

唔知做左咩善事呢?
唔打唔撞有左個讀棋譜校嘅女朋友！
呢個女仔除左鍾意聽Fiona之外，都鍾意飲咖啡！
除左 M 自投連鎖店，間中就會一齊去Starbucks，每一次試一個新口味！
學生冇乜錢，Order 一杯就算Share 飲！！
飲得多Cappuccino 都想轉轉新口味！
永世難忘嘅就係Green tea Latte ，超級難飲！
Order 左Grande，
都好似飲Venti咁！
因為好難飲，所以飲左好耐！
有幾年喺灣仔讀書，
高峰期一日一杯Starbucks ，是常識吧！！

經常喺灣仔、中環一帶！
一系學校附近，一系IFC！
連Cashier個女仔都認得我！問：
今日又飲乜呀?
成日講笑話：要搵我拍廣告！ :)

宜家經常出入HKU，又發現330 Cafe，咖啡幾好，D飯幾特別！
又系Fair trade！ :)

今時今日，好多時約人都係Starbucks!，
自己睇小說或者睇d  Case / principle 有時會口Up up，就好似誦經咁！
場地多數係  Starbucks / Pacific！
睇小說、誦經，有時會聽歌，小不免會細細聲唱！
試過喺Starbucks ，唱唱下，
有個女仔柏一拍我，我好經！
一心以為佢鬧我！
佢話：我都聽Yui 嘅！ :)

距離我飲第一盃咖啡，差唔多十年！
咖啡成為我生活嘅一部分！
咖啡係我最好嘅朋友！
希望喺某日、某時、某地遇上鍾意飲咖啡嘅你！