喺呢個滿街道德判官既年代,
愛情已經唔係兩個人既事。

以前細個覺得愛情係兩個人既事,
後來長大了開始知道長遠既愛情亦係兩家人既事..

但有啲愛情會變左做全香港既事
而Taylor Swift既愛情更加係全世界既事
(不過今日不是想討論佢,無偷無搶無咩好爭議)

網絡力量最恐怖係您做錯左一件事,
全個世界都會連日24小時討伐您

偷食(如果係真有其事)當然係唔正確

大婆同二奶之間,我永遠選擇大婆
但其實都真係唔關三姑六婆事
只係有花生食唔食,罪大惡極

要拍片去交代,要拍片借網上力量去叫第三者交代
不管哪一個我都覺得好無謂
自己的愛情要靠其他人幫忙去給予對方壓力
很懦弱

相反,我對於伍姑娘勇敢出來笑面撐丈夫 我拍哂手掌

不管老公有無偷食,我唔需要話您知
就算我傷心到死,我喺屋企同老公鬧哂交,我都唔需要講您知
因為大眾關心既只係仲有無花生派
您兩老公婆既野,其實都不是真的在意

在這個充滿道德判官既時代
把兩個人的事攤上檯面,只是兩敗俱傷
即使網民落力為您聲討對方,熱情過後
其實無人會走來為您療傷。
做人,都係無需要打開肚皮畀人睇既

我的專頁:https://www.facebook.com/hkgirlfriend/