夜深，一個人在小巴站等車。

一對情侶在糾纏，這個時候十二少與十一妹在對話。

十一妹：很煩... ...

十二少：做咩呀？

十一妹：那對情侶... ...你不覺得嗎？

十二少：幾好睇呀，如果佢唔介意我想拍片添！

十一妹：無聊... ...

十二少：做咩即？人地熱戀緊呀麻、過兩日就散架啦，比D機會人啦！

十一妹：很礙眼... ...

十二少：唔通妳又想？

十一妹：廢話！

十二少：喂！等等先，妳既「廢話」既意思係，「當然係想」、定係「更係唔想」先？妳用字清楚D好無？

十一妹：你幾時變得似十三郎的執著？別煩了... ...

十二少：攪清楚好D麻，妳知妳地女仔既野... ...幾難去捉摸架啦！

十一妹：我只係唔想睇真人SHOW即，講出黎又話我妒忌、唔講出黎，又話我難捉摸，咁你話我講定唔講？

十二少：咁... ...真人SHOW都幾好睇，點解唔試下欣賞一下？

十一妹：... ...係咪即係AV咁？做黎做去個幾個動作，但你地都會係咁睇？

十二少：咁點同呢？有唔同既對手架麻！不過唔好用到咁極端既例子。

十一妹：咁呢場真人SHOW有咩咁吸引既地方？

十二少：... ...難得一見既真性情！

十一妹：如果真係吸引我既，我諗會係一陣架車黎左，得返三個位，一個雙人坐、一個單人位，之後我坐去雙人位到，睇個男人之後點！

十二少：... ...咁毒既妳？

十一妹：一於咁話！一陣你去做！

十二少：... ...咁鬼賤格既妳... ...其實妳係咪M到呀？

十一妹：... ...天氣熱呀！好焗呀！得未呀？